Іван Андрэевіч Соўпель — жыхар Брэста, фігурант крымінальнай справы, узбуджанай па ч. 2 арт. 293 Крымінальнага кодэксу (Удзел у масавых беспарадках) пасля акцый пратэсту ў горадзе ў жніўні.

Іван быў на волі пад падпіскай аб нявыездзе, але 22 сакавіка 2021 яго выклікалі да следчага і там затрымалі. Меру стрымання змянілі на ўтрыманне пад вартай.

8 лістапада 2021 года ў судзе Ленінскага раёна Брэста агучылі прысуд пятай частцы абвінавачаных па справе аб “масавых беспарадках” у горадзе падчас падзей 9-10 жніўня 2020 года. Суддзя Аляксандр Семянчук пастанавіў прызнаць усіх 19 палітзняволеных, што праходзілі па справе, вінаватымі, а Івану Соўпелю прызначыў 4 гады калоніі ўзмоцненага рэжыму.

Іван знаходзіўся пад вартай у СІЗА-7, а 19 студзеня 2022 быў этапаваны ў бабруйскую ПК № 2.

Вядома, што адміністрацыя калоніі ў канцы лістапада 2022-га закінула палітвязня ў ШІЗА, але тэрмін і прычыны невядомыя.

У верасні 2023 г. стала вядома, што звестак ад Івана няма 1,5 месяцы. Хутчэй за ўсё, ён зноў змешчаны ў ШІЗА. 

Напрыканцы кастрычніка 2023 г. з'явіліся звесткі, што Іван пераведзены ў ПКТ (памяшканне камернага тыпу). 

Паводле падлікаў праваабаронцаў вызваліўся ў кастрычніку 2024 г. 

Да 5,5 гадоў калоніі: пракуроры запрасілі тэрміны для пятай часткі абвінавачаных па справе аб "масавых беспарадках" у Брэсце

Яшчэ 28 ліпеня ў Ленінскім судзе Брэста пачаўся працэс над пятай партыяй абвінавачаных па крымінальнай справе аб масавых беспарадках за падзеі 10 жніўня 2020 года. За час працэсу колькасць абвінавачваных вырасла з 13 да 19 чалавек.

“Жыве Беларусь і будзе жыць вольнай”. У Брэсце вынеслі прысуды пятай частцы абвінавачаных у “масавых беспарадках”

8 лістапада ў судзе Ленінскага раёна Брэста агучылі прысуд пятай частцы абвінавачаных па справе аб “масавых беспарадках” у горадзе падчас падзей 9-10 жніўня мінулага года.