Мінчанку ў чацвёрты раз асудзілі за абразу міліцыянта

12 красавіка 2022 года ў судзе Цэнтральнага раёна горада Мінска да двух гадоў «хатняй хіміі» асудзілі 55-гадовую маці-адзіночку з Мінску Ірыну Сташкевіч.

Гэта яе чацвёрты суд па арт. 369 Крымінальнага кодэкса (абраза прадстаўніка ўлады): яе судзілі за «абразлівыя» каментары ў дачыненні да начальніка ГУБАЗіК Паршына, супрацоўніка Маладзечанскай інспекцыі Яўгена Калясені, міліцыянта Віталя Куляшова.

Пяць гадоў таму АНТ зняў сюжэт пра Ірыну Сташкевіч: жанчына аформіла апякунства над дачкой суседкі, якая памерла.

Гэты суд праходзіў у закрытым рэжыме, таму падрабязнасці справы невядомыя. Справу, як і другі раз, разглядаў суддзя Дзмітрый Карсюк.

У агульнай суме Ірыне прызначана 2,5 гады «хатняй хіміі». 

Была ўнесеная ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Суд у Мінску за абразу палкоўніка ГУБАЗіК

У судзе Цэнтральнага раёна г. Мінска 25 жніўня разглядзелі крымінальную справу ў дачыненні да Ірыны Сташкевіч, якую вінавацілі ў абразе прадстаўніка ўлады паводле арт. 369 Крымінальнага кодэкса. Бок дзяржабвінавачвання прадстаўляла Багуслаўская, судзіў Дзмітрый Карсюк.

Тры словы — тры гады. Жыхарку Мінска асудзілі за абразу былога міліцыянта, якому было "вельмі некамфортна"

29 сакавіка ў судзе Ганцавіцкага раёна адбыўся разгляд крымінальнай справы ў дачыненні да жыхаркі Мінска Ірыны Сташкевіч. Яе абвінавацілі ў абразе прадстаўніка ўлады (арт. 369 КК). Пацярпелым па справе аказаўся былы міліцыянер Віталь Куляшоў.

Мінск: жанчыну другі раз асудзілі за "абразу" у каментарах