Ірына Іванаўна Сапрыгіна затрыманая за каментар у чаце ўкраінскага блогера. Яе абвінавачваюць паводле арт. 368 Крымінальнага кодэксу (абраза Лукашэнкі).

Праваабаронцам "Вясны" сталі вядомыя акалічнасці затрымання. Гэта адбылося 30 кастрычніка 2023 года ў Мазыры, дзе Ірына жыве. Да жанчыны прыехалі людзі ў масках, правялі ператрус, а затым затрымалі яе па крымінальнай справе ў межах артыкула 368 КК. Спачатку Ірына знаходзілася ў ІЧУ на Акрэсціна некалькі дзён, затым яе перавялі ў Жодзіна, аднак цяпер месцазнаходжанне жанчыны невядомае: яе павінны былі перавесці ў СІЗА горада Гомеля, аднак там кажуць, што яе няма.

За час знаходжання на Акрэсціна Сапрыгіна двойчы перахварэла віруснымі захворваннямі, аднак не атрымлівала належнага лячэння.

Вядома, што Ірына Сапрыгіна ў апошні год знаходзілася дома, бо даглядала за сваёй 83-гадовай маці — ліквідатаркай ЧАЭС, што мае інваліднасць другой групы. Маці Сапрыгінай не можа заставацца адна праз стан здароўя (яна невідушчая), а іншых сваякоў у яе няма. Тым не менш Ірыне не змянілі меру стрымання са змяшчэння пад варту на паручальніцтва. Вядома таксама, што да маці Сапрыгінай прыходзіў міліцыянт і пытаўся пра яе стаўленне да Украіны і Ізраіля.

Утрымлівалася ў СІЗА-3. 

У судзе Мазырскага раёна 5 сакавіка 2024 г. пачаўся разгляд крымінальнай справы Ірыны. Ёй інкрымінавалі абразу прадстаўніка ўлады (арт. 369 КК) і абразу Лукашэнкі (ч. 1 арт. 368 КК). Справу разглядаў суддзя Анатоль Стрэльчанка.

15 сакавіка 2024 г. агучаны прысуд — абмежаванне волі тэрмінам на два гады і шэсць месяцаў без  накіравання ва ўстанову адкрытага тыпу ("хатняя хімія). Таксама Ірыне прысуджаны штраф у памеры 100 базавых велічынь.

5 красавіка 2024 г. унесена МУС у "спіс экстрэмістаў". 

Вынесены прысуд пенсіянерцы з Мазыра, якая нібыта абразіла Аляксандра Лукашэнку

Суд Мазырскага раёна 15 сакавіка вынес прысуд Ірыне Сапрыгінай, якую абвінавацілі ў абразе Аляксандра Лукашэнкі паводле ч. 1 арт. 368 Крымінальнага кодэкса. Справу разглядаў суддзя Анатоль Стрэльчанка.

«У турме не перажывала так за сябе, як цяпер за родных». Гісторыя беларускі, у якой арыштавалі маці

Ева даведалася пра затрыманне маці, 58-гадовай Ірыны Сапрыгінай, з паведамлення адваката, якое прыйшло на тэлефон. Падрабязнасці арышту даходзяць да яе дагэтуль.

Пыталіся пра стаўленне да Украіны і Ізраіля. Сталі вядомыя акалічнасці затрымання Ірыны Сапрыгінай

Праваабаронцам "Вясны" сталі вядомыя акалічнасці затрымання 57-гадовай Ірыны Сапрыгінай. Гэта адбылося 30 кастрычніка 2023 года ў Мазыры, дзе яна жыве. Да жанчыны прыехалі людзі ў масках, правялі ператрус, а затым затрымалі яе па крымінальнай справе ў межах артыкула 368 КК (абраза Лукашэнкі). Спачатку Ірына знаходзілася ў ІЧУ на Акрэсціна некалькі дзён, затым яе перавялі ў Жодзіна, аднак цяпер месцазнаходжанне жанчыны невядомае: яе павінны былі перавесці ў СІЗА горада Гомеля, аднак там кажуць, што яе няма.