Ірына Пярцова

Дата нараджэння: 11 лютага 1995

Дата затрымання: 20 верасня 2021

Прад'яўленыя абвінавачванні:

ч. 2 арт. 339 Крымінальнага кодэкса — Хуліганства, здзейсненае групай асобаў

Вынік суда: 2 гады

Від пакарання: пазбаўленне волі ў калоніі ва ўмовах агульнага рэжыму

Суддзя: Зубеня Міхаіл

Месца зняволення: ПК № 4

Заява аб прызнанні палітзняволенай

Ірына Алегаўна Пярцова — выхавальніца ў дзіцячым садку, была затрымана напрыканцы верасня 2021 года па крымінальнай справе аб стварэнні экстрэмісцкага фармавання (тэлеграм-чату) і за перформанс на гарадскіх могілках, калі кампанія маладых людзей усталявала на магілу партрэт Лукашэнкі і адкаркавала шампанскае.

Ірыне прад'яўлена абвінавачванне паводле ч. 2 арт. 339 КК (Хуліганства). Жанчыну змясцілі ў СІЗА.

У судзе Віцебскага раёна 25 красавіка 2022 года пачаўся разгляд крымінальнай справы. 20 траўня суддзя Міхаіл Зубеня прызнаў Ірыну вінаватай і прызначыў ёй пакаранне: два гады пазбаўлення волі ў калоніі агульнага рэжыму.

Палітзняволеная адбывае пакаранне ў ПК № 4.

Вынесеныя суровыя прысуды ўдзельнікам "віцебскіх перформансаў"

У сваім апошнім слове Ірына Пярцова прасіла не пазбаўляць яе волі: “Я знаходжуся ў СІЗА 8 месяцаў, быў час, каб усё ўсвядоміць. Я адна выхоўваю сына, цяпер яго аддадуць у дзіцячы дом, ён будзе расці без маці”.

Ад двух да шасці гадоў калоніі: дзяржабвінавачванне запрасіла тэрміны для ўдзельнікаў "віцебскіх перформансаў"

Дзяржабвінаваўца ў судовых спрэчках спыніўся на тым, што злоснае хуліганства — з’ява асабліва небяспечная, асабліва калі здзяйсняецца па матывах палітычнай, ідэалагічнай і сацыяльнай варожасці.

Віцебск: у судзе за “экстрэмісцкія перформансы” дапыталі сведкаў і абвясцілі тайм-аут

У судзе Віцебскага раёна 5 траўня працягваўся разгляд крымінальнай справы, заведзенай адразу па некалькіх артыкулах Крымінальнага кодэксу на чатырох мясцовых жыхароў за “экстрэмісцкія перформансы”.

У Віцебску працягваецца судовы працэс над удзельнікамі "экстрэмісцкіх перформансаў”

Пад час допыту ў судзе Ірына Пярцова віну прызнала часткова, адмаўляе ў сваіх дзеяннях палітычную і сацыяльную варажнечу. Наконт перфомансу на могілках патлумачыла, што не зусім усведамляла свае дзеянні. На пытанне аб сваім стаўленні да грамадска-палітычнай сітуацыі ў краіне ў 2020 годзе адказваць адмовілася.

У Віцебску чатырох палітвязняў судзяць за “экстрэмісцкія перформансы”

Паводле матэрыялаў следства, група праводзіла лакальныя акцыі, а свае, так званыя "дасягненні", здымалі на відэа. Ролікі яны публікавалі ў адкрытым доступе ў Інтэрнэце для ўсеагульнага агляду з мэтай прыцягнення ўвагі і фарміравання масіва пераймальнікаў. Свае дзеянні каардынавалі з дапамогай групавых чатаў.