Ірына Коваль
Былая палітзняволеная
Дата нараджэння: 16 сакавіка 1967
Дата затрымання: 9 лютага 2022
Прад'яўленыя абвінавачванні:
- арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
Вынік суда: 3 гады
Від пакарання: абмежаванне волі без накіравання ў папраўчую ўстанову адкрытага тыпу ("хатняя хімія")
Суддзя: Капцэвіч Алена
Іншыя пазнакі: Замежныя грамадзяне
Справы: Пратэсты Мінск
Грамадзянка Украіны Ірына Віктараўна Коваль была затрымана 9 лютага 2022 г. у межах крымінальнай справы аб групавых дзеяннях, што груба парушаюць грамадскі парадак (арт. 342 Крымінальнага кодэксу). Вядома, што Ірына працавала ў бібліятэцы, адкуль была звольненая на пачатку года.
Ірыне прад'яўлена абвінавачванне, яе змясцілі ў СІЗА. 10 траўня 2022 г. ейную справу перадалі ў пракуратуру.
У чэрвені 2022 г. адбыўся суд, у выніку якога Ірыну прызналі вінаватай і прызначылі ёй 3 гады абмежавання волі без накіравання ў ПУАТ.
