Інга Юр'еўна Рэйдальф была затрымана 13 кастрычніка 2022 года. Спачатку ёй прысудзілі арышт, затым перазатрымалі ў межах крымінальнай справы паводле арт. 342 Крымінальнага кодэксу (Актыўны ўдзел у групавых дзеяннях, якія груба парушаюць грамадскі парадак) за ўдзел у пратэстах.

Яе змясцілі ў СІЗА-1.

Справу разглядалі ў судзе Першамайскага раёна. 19 студзеня 2023 г. суддзя Максім Трусевіч прызначыў Інзе і ейнай сястры Карыне два гады абмежавання волі без накіравання ў ПУАТ. Дзяўчын вызвалілі ў зале суда.

10 лютага 2023 г. МУС дадала былую палітзняволеную ў "спіс экстрэмістаў".

Згодна з раскладам судоў, справа аб замене абмежавання волі на пазбаўленне волі ў калоніі разглядалася 13 лістапада 2024 г. у судзе Бабруйскага раёна і г. Бабруйска. Суддзя Крысціна Змітровіч.

У Мінску судзілі жыхароў Бабруйска за ўдзел у нядзельных акцыях пратэсту

Паводле матэрыялаў абвінавачання, Інга і Карына Рэйдальф, а таксама Уладзімір Зубец бралі актыўны ўдзел у нядзельных акцыях пратэсту ў Мінску ў 2020 годзе.