Іна Панова
Дата нараджэння: 15 верасня 1985
Дата затрымання: 15 ліпеня 2022
Прад'яўленыя абвінавачванні:
арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
Вынік суда: 1 год і 6 месяцаў
Від пакарання: пазбаўленне волі ў калоніі ва ўмовах агульнага рэжыму
Дата вызвалення: 13 кастрычніка 2023
Іна Іванаўна Панова была затрымана 15 ліпеня 2022 года ў межах крымінальнай справы аб групавых дзеяннях, якія груба парушаюць грамадскі парадак (арт. 342 Крымінальнага кодэксу) за ўдзел у акцыях пратэсту. Вядома, што жанчына выхоўвае чацвярых дзяцей.
Іну змясцілі ў СІЗА-1.
У судзе Ленінскага раёна Мінска 31 кастрычніка 2022 г. быў вынесены прысуд палітзняволенай. Яе прызналі вінаватай і асудзілі да 1 года і 6 месяцаў пазбаўлення волі ў калоніі ва ўмовах агульнага рэжыму. Да разгляду апеляцыйнай скаргі Іну перавялі ў гомельскі СІЗА-3.
Напрыканцы студзеня 2023 г. стала вядома, што Іну этапавалі ў гомельскую жаночую калонію № 4.
Па падліках праваабаронцаў, Іна мусіла выйсці на волю ў сярэдзіне кастрычніка 2023 г.
Палітзняволенай прысудзілі паўтара года калоніі за ўдзел у пратэсным Маршы
