Іна Віктараўна Можчанка — фігурантка крымінальнай справы паводле ч. 1 арт. 130 КК (Распальванне сацыяльнай варожасці) і арт. 369 КК (Абраза прадстаўніка ўлады), распачатай пасля забойства супрацоўніка КДБ Федасюка і it-спецыяліста Андрэя Зельцэра.

Вядома, што да затрымання Іна працавала ў агенцтве БелТА на пасадзе кіраўніцы сектара працы з электроннай інфармацыяй аддзела падтрымкі і развіцця інтэрнэт-рэсурсаў.

Утрымлівалася ў СІЗА-1, у канцы жніўня 2022 г. была пераведзеная ў брэсцкі СІЗА-7.

5 верасня 2022 г. у Брэсцкім абласным судзе пачаўся разгляд справы. Праз дзень суддзя Вера Філонік прызнала палітзняволеную вінаватай і прызначыла ёй пакаранне, якое прасіў пракурор Бацюшка, — тры гады зняволення ў калоніі ва ўмовах агульнага рэжыму і 100 базавых велічыняў штрафу.

КДБ уключыў палітзняволеную ў спіс "асобаў, якія маюць дачыненне да тэрарыстычнай дзейнасці".

Была ўнесеная ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Іна адбывала пакаранне ў гомельскай жаночай калоніі № 4.

Выйшла на волю ў другой палове красавіка 2024 г. 

Мінчанку асудзілі ў Брэсце па "справе Зельцэра"

Да затрымання яна працавала ў БелТА на кіраўнічай пасадзе.