Ілона Алегаўна Белавус — начальніца юрыдычнага аддзела сеткі салонаў "На связи". Згодна з інфармацыяй праўладных тэлеграм-каналаў, дзяўчына ўдзельнічала ў паслявыбарчых акцыях пратэсту. На "пакаянным" відэа Ілона адмаўляе свой удзел у Маршах і выхад на праезную частку. 

Спярша Ілоне прызначылі адміністрацыйны арышт паводле арт. 19.11-2 КаАП (распаўсюд і захоўванне экстрэмісцкіх матэрыялаў), а пасля ёй выставілі абвінавачанні паводле ч. 1 арт. 342 Крымінальнага кодэксу (актыўны ўдзел у групавых дзеяннях, якія груба парушаюць грамадскі парадак). Дзяўчыну змясцілі ў СІЗА-1.

6 лютага 2023 г. у судзе Цэнтральнага раёна Мінска палітзняволеную асудзілі да двух з паловай гадоў абмежавання волі без накіравання ў ПУАТ ("хатняй хіміі"). Ілону адпусцілі з-пад варты ў зале суда.

3 сакавіка 2023 года была ўнесеная ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.