Ілля Аляксандравіч Толкач — жыхар Мінска, абвінавачаны паводле арт. 342 Крымінальнага кодэксу (Групавыя дзеянні, груба парушаючыя грамадскі парадак).

Паводле абвінавачвання, Ілля Толкач у ноч з 9 на 10 жніўня 2020 г. знаходзіўся на праезнай частцы каля архітэктурнага комплекса “Мінск — горад-герой” і з іншымі пратэстоўцамі прыняў актыўны ўдзел у групавых дзеяннях, што груба парушаюць грамадскі парадак і спалучаныя з яўным непадпарадкаваннем законным патрабаванням супрацоўнікаў міліцыі, што пацягнула парушэнне працы транспарту. Таксама ён абвінавачваўся ў тым, што публічна выкрыкваў лозунгі, гучна пляскаў у далоні і не падпарадкоўваўся патрабаванням спыніць такія дзеянні. Мужчына прызнаў віну часткова — пагадзіўся з фактам прысутнасці ў абазначым месцы, але не прызнаў, што ягоныя дзеянні пацягнулі спыненне грамадскага транспарту.

16 лютага 2021 г. яго асудзілі на тры гады абмежавання волі з накіраваннем ва ўстанову адкрытага тыпу ("хімія").

З трэцяга ліпеня 2021 г. адбываў пакаранне ў папраўчай установе № 7.

Восенню 2023 года вызвалены па заканчэнні тэрміну пакарання.

Тры гады “хіміі”. Суд вынес рашэнне па справе Іллі Толкача

16 лютага ў судзе Маскоўскага раёна Мінска працягнуўся разгляд крымінальнай справы ў дачыненні да Іллі Толкача, якога вінавацілі ў актыўным ўдзеле ў групавых дзеяннях, што груба парушаюць грамадскі парадак (арт. 342 Крымінальнага кодэкса).

"Дапамог перанесці лавачку на праезную частку". ІллюТолкачу пагражае тры гады зняволення

Суд Маскоўскага раёна г. Мінска пачаў разгляд крымінальнай справы ў дачыненні да Іллі Толкача, якога вінавацяць у актыўным ўдзеле ў групавых дзеяннях, што груба парушаюць грамадскі парадак (арт. 342 Крымінальнага кодэкса).