Іллю Уладзіміравічу Гольцаву выставілі абвінавачванне паводле ч. 1 арт. 130 Крымінальнага кодэкса (распальванне расавай, нацыянальнай, рэлігійнай альбо іншай сацыяльнай варожасці або варажнечы) і змясцілі ў СІЗА-3.

23 жніўня 2022 г. суддзя Васіль Бягун прызнаў Іллю Гольцава вінаватым і прызначыў яму пакаранне ў выглядзе пазбаўлення волі тэрмінам на адзін год і шэсць месяцаў ва ўмовах агульнага рэжыму. 18 лістапада была разгледжаная апеляцыйная скарга: прысуд пакінулі ў сіле.

1 снежня 2022 г. КДБ уключыў Іллю ў "спіс асобаў, датычных да тэрарыстычнай дзейнасці".

Быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Палітвязень цалкам адбыў тэрмін і 10 сакавіка 2023 г. выйшаў на волю.

Распальваў сацыяльную варожасць: жыхара Гомеля асудзілі на паўтара года калоніі

У Гомельскім абласным судзе 23 жніўня вынесены прысуд 31-гадоваму Іллю Гольцаву. Суддзя Васіль Бягун прызнаў мужчыну вінаватым паводле ч. 1 арт. 130 Крымінальнага кодэкса (распальванне расавай, нацыянальнай, рэлігійнай альбо іншай сацыяльнай варожасці або варажнечы).