Ігнат Ігнаценя

Дата нараджэння: 8 кастрычніка 2002

Дата затрымання: 6 жніўня 2021

Прад'яўленыя абвінавачванні:

арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
арт. 363 Крымінальнага кодэкса — Супраціў супрацоўніку органаў унутраных спраў або іншай асобе, якая ахоўвае грамадскі парадак

Вынік суда: 3 гады

Від пакарання: пазбаўленне волі ў калоніі ва ўмовах агульнага рэжыму

Суддзя: Блоцкі Юрый

Месца зняволення: ПК № 22

Заява аб прызнанні палітвязнем

Ігнат Дзмітрыевіч Ігнаценя — удзельнік акцыі пратэсту ў Салігорску ў жніўні 2020 года. Быў затрыманы 6 жніўня 2021 года.

Ігнату прад'явілі абвінавачванне па арт. 363 Крымінальнага кодэксу (супраціўленне супрацоўніку органаў унутраных спраў або іншай асобе, якая ахоўвае грамадскі парадак) і па арт. 342 КК (арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх).

Асуджаны 20 снежня 2021 года на тры гады калоніі агульнага рэжыму.

Утрымліваўся ў жодзінскім следчым ізалятары.

Адбывае пакаранне ў ПК № 22.

Салігорцаў асудзілі за актыўны ўдзел у акцыі пратэсту і супраціўленне міліцыянтам

Суд Салігорскага раёна 20 снежня 2021 года вынес прысуды цэлай групе ўдзельнікаў мінулагодняй акцыі пратэсту, якіх абвінавацілі па двух артыкулах Крымінальнага кодэкса: ч. 1 арт. 342 (арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх) і ч. 2 арт 363 (супраціўленне супрацоўніку органаў унутраных спраў або іншай асобе, якая ахоўвае грамадскі парадак).