Ігар Алегавіч Ляшкевіч — фігурант так званай "справы карагодаў", якая датычыцца акцыі пратэсту 13 верасня 2020 года ў Брэсце. У той дзень калона дэманстрантаў выйшла на скрыжаванне праспекта Машэрава і бульвара Касманаўтаў. Рух аўтамабіляў і грамадскага транспарту на ўчастку быў абцяжараны. Людзі спявалі песні, вадзілі карагоды да тых часоў, пакуль не прыехаў вадамёт. Услед за ім выбеглі сілавікі і сталі затрымліваць пратэстоўцаў.

Ігара затрымалі 1 снежня 2021 года і змясцілі ў СІЗА-7 да суда. Яму прад'яўлена абвінавачванне па ч. 1 арт. 342 Крымінальнага кодэксу (Групавыя дзеянні, што груба парушаюць грамадскі парадак).

4 траўня 2022 года суддзя Людміла Рубашэўская прызнала Ігара вінаватым і прызначыла яму 3 гады абмежавання волі без накіравання ў ПУАТ ("хатняй хіміі").

Згодна з раскладам судоў, справа аб замене абмежавання волі на пазбаўленне волі ў калоніі разглядалася 10 снежня 2024 г. у судзе Маскоўскага раёна Мінска. Суддзя Таццяна Лаўрэнюк.

11 фігурантам "справы карагодаў" вынеслі прысуды

Суд над чарговымі "карагоднікамі" мусіў пачацца яшчэ месяц таму, але тады суд адклалі, бо вырашылі далучыць да яго яшчэ пяцярых абвінавачаных.