Ігар Аляксандравіч Леднік — сябра БСДП з Барысава, быў затрыманы 18 красавіка 2022 года. Спачатку яму прысудзілі 15 сутак адміністрацыйнага арышту, але пасля іх ён на волю не выйшаў. На Ігара заведзена крымінальная справа па ч. 2 арт. 367 КК "Паклёп на прэзідэнта Рэспублікі Беларусь".

Ігар Леднік мае інваліднасць 2-й групы праз праблемы з сэрцам.

У чэрвені 2022 г. адвакатка паведаміла, што стан здароўя палітвязня пагоршыўся, Ігар знаходзіўся ў санчастцы следчага ізалятара ў ляжачым стане. У ліпені стала вядома, што актывісту зрабілі аперацыю на страўнікава-кішачным тракце.

18 ліпеня 2022 г. суд Барысаўскага раёна прызнаў інфармацыйную прадукцыю Facebook-старонкі Ігара Ледніка "экстрэмісцкімі матэрыяламі".

2 верасня 2022 г. у судзе Ленінскага раёна Мінска пачаўся судовы разгляд. Палітвязня судзілі за публікацыю "Мiжнародна прызнаны нейтралiтэт Беларусi — гарантыя бяспекi у рэгiёне АБСЕ" ў партыйным часопісе БСДП "Пазіцыя". Паводле звестак пракуратуры, у гэтым тэксце ўтрымліваліся "свядома ілжывыя, ганебныя і зневажальныя для гонару і годнасці Лукашэнкі звесткі, злучаныя з абвінавачаннем яго ў асабліва цяжкіх злачынствах, у тым ліку супраць бяспекі чалавецтва". 6 верасня быў вынесены прысуд: ветэрана партыйнага руху прызналі вінаватым у паклёпе на Лукашэнку і пакаралі трыма гадамі зняволення ў калоніі ва ўмовах агульнага рэжыму. Справу разглядала суддзя Таццяна Шоцік. 

Напрыканцы лістапада 2022 г. была разгледжана апеляцыйная скарга Ігара: прысуд пакінулі без зменаў. Палітвязня перавялі з жодзінскай СТ № 8 у бабруйскую калонію № 2.

У чэрвені 2022 г. адвакатка паведаміла, што стан здароўя палітвязня пагоршыўся, Ігар знаходзіўся ў санчастцы следчага ізалятара ў ляжачым стане. У ліпені стала вядома, што актывісту зрабілі аперацыю на страўнікава-кішачным тракце.

Прычынай смерці палітвязня стала спыненне сэрца, піша БСДП. Медыкі спрабавалі яго рэаніміраваць, аднак беспаспяхова. Ігар Леднік памёр 20 лютага 2024 г. у турэмнай бальніцы ў Калядзічах, куды быў планава дастаўлены з бабруйскай калоніі № 2, дзе ўвесь час знаходзіўся ў медчастцы. 

«Марудна хадзіў, цяжка дыхаў». Былы вязень расказаў пра стан Ігара Ледніка, які памёр у калёніі

Свабода пагутарыла з былым палітвязьнем Аляксеем Галоўкіным, які сустракаў Ледніка ў бабруйскай калёніі.

У бабруйскай калоніі памёр палітвязень Ігар Леднік. Ён меў праблемы са здароўем

У бабруйскай калоніі № 2, на 64-м годзе жыцця, памёр палітзняволены грамадскі актывіст Ігар Леднік. Ён быў асуджаны да трох гадоў зняволення за "паклёп на Лукашэнку" за публікацыю ў партыйным часопісе БСДП "Пазіцыя". Палітвязень меў інваліднасць другой групы праз праблемы з сэрцам, але яму ўсё роўна прызначылі пазбаўленне волі. У зняволенні стан здароўя Ігара Ледніка істотна пагоршыўся, яму была зроблена аперацыя на страўнікава-кішачным тракце. Падрабязнасці і абставіны смерці актывіста высвятляюцца. Гэта пятая смерць палітвязня за кратамі.

Тры гады калоніі — сябру БСДП Ігару Ледніку

Акрамя таго, канфіскацыі падлягае камп'ютар і тэлефон Ігара. Канфіскаваныя пад час вобшуку ў яго кватэры асобнікі часопіса "Пазіцыя" будуць знішчаныя.

Абвінавачанне запрасіла Ігару Ледніку тры гады калоніі

Ч. 2 арт. 367 Крымінальнага кодэкса – больш суровая і прадугледжвае абмежаванне волі на тэрмін да пяці гадоў або пазбаўленне волі на тэрмін да шасці гадоў.