Мінчук, грамадзянін Расійскай Федэрацыі, Ігар Ізідоравіч Капанайка мае від на жыхарства ў Беларусі, ваенны пенсіянер.

З матэрыялаў следства вядома, што днём 13 лістапада 2020 года 55-гадовы мужчына зайшоў у пад'езд аднаго з дамоў у Фрунзенскім раёне Мінска і з хуліганскіх памкненняў заліў мантажнай пенай ўваходныя дзверы кватэры супрацоўніка органаў унутраных спраў. Таксама ён запеніў механізм замка дзвярэй і паштовую скрыню.

Акрамя таго, як сцвярджае Следчы камітэт, на паштовай скрыні абвінавачаны напісаў фразу, якая публічна абражае супрацоўніцу міліцыі ў сувязі з выкананнем ёю службовых абавязкаў і схаваўся з месца здарэння.

Мужчыну прад'явілі абвінавачванне па арт. 339 КК (Хуліганства) і 369 КК (Абраза прадстаўніка ўлады).

"Мне не хацелася б паўстаць перад судом старым маразматыкам. Я дакажу, што Абознай былі вымаўленыя словы аб тым, што Раман Бандарэнка выйшаў вечарам п'яным.

Я не хуліган, не злачынец. Я афіцэр запасу. Калі я бачу несправядлівасць, я завожуся з паўабароту. Так было і тады. Смерць Рамана Бандарэнка ўразіла ўсю Беларусь. Ён таксама служыў, як і я. Ён узростам мне як сын. Ён загінуў у цэнтры Мінска, у мірны час, у краіне, якую называюць краінай для жыцця.

На наступным дзень я зайшоў у Інтэрнэт і прачытаў паведамленне Абознай, у якім не было спачуванні родным і блізкім, а толькі хлусня. Усё гэта перапоўніла чашу майго цярпення і я не памятаю, калі мне было так балюча за краіну, у якой я жыву”, — сказаў ён у апошнім слове.

Суддзя Алена Бушава 16 лютага 2021 прысудзіла яму паўтара года пазбаўлення волі ў калоніі агульнага рэжыму.

На пачатку лютага 2022 Ігар Капанайка быў пераведзены з Турмы №4 у бабруйскую ПК №2.

Ігар Капанайка цалкам адбыў пакаранне: 12 сакавіка 2022 яго вызвалілі і адвезлі на мяжу з Расіяй для дэпартацыі.

Прысуд за запененыя дзверы ў кватэру супрацоўніцы міліцыі: паўтары гады калоніі

З матэрыялаў следства вядома, што днём 13 лістапада 2020 года 55-гадовы мужчына зайшоў у пад'езд аднаго з дамоў у Фрунзенскім раёне Мінска і з хуліганскіх памкненняў заліў мантажнай пенай ўваходныя дзверы кватэры супрацоўніка органаў унутраных спраў. Таксама ён запеніў механізм замка дзвярэй і паштовую скрыню.

Судзяць ваеннага пенсіянера, які запеніў дзверы ў кватэру супрацоўніцы міліцыі і абразіў яе

У судзе Фрунзенскага раёна Мінска 9 лютага пачаўся разгляд крымінальнай справы ў дачыненні да мінчука, які запеніў дзверы ў кватэру супрацоўніцы міліцыі. Грамадзяніна Расійскай Федэрацыі Ігара Капанайку абвінавачваюць па двух артыкулах Крымінальнага кодэкса: артыкул 339 (Хуліганства) і артыкул 369 (Абраза прадстаўніка ўлады ў сувязі з выкананнем ім службовых абавязкаў).