Глеб Нікановіч
Дата нараджэння: 22 красавіка 1997
Дата затрымання: 11 снежня 2021
Прад'яўленыя абвінавачванні:
арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
Вынік суда: 1 год і 6 месяцаў
Від пакарання: абмежаванне волі з накіраваннем у папраўчую ўстанову адкрытага тыпу ("хімія")
Дата пачатку адбыцця пакарання: 11 снежня 2021
Дата вызвалення: 3 чэрвеня 2023
Суддзя: Куроўскі Дзмітрый
Пракурор: Бацюшка Аляксандр, Юшчук Міхаіл
Глеб Віктаравіч Нікановіч — фігурант так званай "справы карагодаў", якая датычыцца акцыі пратэсту 13 верасня 2020 года ў Брэсце. У той дзень калона дэманстрантаў выйшла на скрыжаванне праспекта Машэрава і бульвара Касманаўтаў. Рух аўтамабіляў і грамадскага транспарту на ўчастку быў абцяжараны. Людзі спявалі песні, вадзілі карагоды да тых часоў, пакуль не прыехаў вадамёт. Услед за ім выбеглі сілавікі і сталі затрымліваць пратэстоўцаў.
30 жніўня 2021 суддзя Куроўскі прызначыў Глебу пакаранне паводле ч. 1 арт. 342 Крымінальнага кодэкса — 1 год і 6 месяцаў "хіміі".
11 снежня 2021 пачаў адбываць тэрмін у ПУАТ № 24.
3 чэрвеня 2023 г. палітвязень выйшаў на волю, цалкам адбыўшы тэрмін.
У Брэсце абвясцілі прысуды шостай партыі па "справе карагодаў". На волю выйшлі экс-вядучы БТ і яшчэ тры фігуранты
