Глеб Ігаравіч Койпіш — дырэктар студыі вэб-дызайну "Іквадарт", быў затрыманы 25 жніўня 2021 у Гродне. Дома ў яго, а таксама ў студыі быў праведзены ператрус. 

Яго абвінавацілі ў арганізацыі і падрыхтоўцы дзеянняў, якія груба парушаюць грамадскі парадак, альбо актыўным удзеле ў іх (ч.1 арт. 342 Крымінальнага кодэкса).

9 снежня 2021 года быў вынесены прысуд Глебу: два гады абмежавання волі з накіраваннем ва ўстанову адкрытага тыпу. Яго адпусцілі з-пад варты да часу накіравання на адбыццё пакарання.

14 сакавіка 2022 Глеб пачаў адбываць пакаранне ў ПУАТ № 21.

МУС 28 кастрычніка 2022 г. уключыў палітзняволенага ў "Пералік асобаў, датычных да экстрэмісцкай дзейнасці".

У судзе Мазырскага раёна 5 траўня 2023 г. адбыўся суд па замене абмежавання волі з накіраваннем у папраўчую ўстанову адкрытага тыпу на пазбаўленне волі ў калоніі.

Да апеляцыйнага суда 13 чэрвеня 2023 г. палітвязня перавялі ў СІЗА-3.

23 чэрвеня 2023 г. у Гомельскім абласным судзе будзе разгледжана апеляцыйная скарга на замену пакарання. Суддзя Бобыраў Вадзім.

26 чэрвеня Глеб выйшаў на волю, цалкам адбыўшы тэрмін.

Дырэктару студыі вэб-дызайну "Іквадарт" узмацнілі пакаранне з "хіміі" на калонію

У судзе Мазырскага раёна 5 траўня адбыўся суд па замене "хіміі" палітвязню Глебу Койпішу.

Кіраўніку гродзенскай студыі "Іквадарт" прысудзілі два гады "хіміі"

У Ленінскім судзе Гродна 9 снежня 2021 года вынесены прысуд па крымінальнай справе, заведзенай на кіраўніка студыі “Іквадарт” палітвязня Глеба Койпіша. Яго абвінавацілі ў арганізацыі і падрыхтоўцы дзеянняў, якія груба парушаюць грамадскі парадак, альбо актыўным ўдзеле у іх (ч.1 арт. 342 Крымінальнага кодэкса).

У Гродне затрымалі дырэктара студыі вэб-дызайну «Iквадарт» Глеба Койпіша

Глебу Койпішу 35 гадоў, выхоўвае з жонкай двух дзетак. Займае актыўную грамадзянскую пазіцыю, беларускамоўны. Ягоная студыя «Іквадарт» працуе з 2004 года, рабіла шмат дабрачынных праектаў. У прыватнасці, студыя дапамагла стварыць сайт Фонду Паўла Шарамета.