Глеб Гатоўка

Былы палітвязень

Дата нараджэння: 21 красавіка 2000

Дата затрымання: 14 ліпеня 2020

Прад'яўленыя абвінавачванні:

  • арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
  • арт. 364 Крымінальнага кодэкса — Гвалт альбо пагроза ўжывання гвалту ў дачыненні да супрацоўніка органаў унутраных спраў
  • арт. 363 Крымінальнага кодэкса — Супраціў супрацоўніку органаў унутраных спраў або іншай асобе, якая ахоўвае грамадскі парадак
  • арт. 435 Крымінальнага кодэкса — Ухіленне ад мерапрыемстваў па прызыве на вайсковую службу

Вынік суда: 4 гады

Від пакарання: пазбаўленне волі ў турме ва ўмовах строгага рэжыму

Дата вызвалення: 25 сакавіка 2024

Суддзя: Рудэнка Аляксандр

Пракурор: Завадзіч Віктар

Справы: Пратэсты Мінск

Іншыя пазнакі: Турэмны рэжым

Заява аб прызнанні палітвязнем

Глеб Дзмітрыевіч Гатоўка – 21-гадовы мінчук, асуджаны 31 снежня 2020 судом Кастрычніцкага раёна Мінска да чатырох гадоў калоніі за падзеі 14 ліпеня адразу па чатырох артыкулах Крымінальнага кодэкса: па ч. 1 арт. 342 (арганізацыя групавых дзеянняў, якія груба парушаюць грамадскі парадак), арт. 364 (гвалт альбо пагроза ўжывання гвалту ў дачыненні да супрацоўніка органаў унутраных спраў), ч. 2 арт. 363 (супраціў супрацоўніку АМАПу), арт. 435 (ухіленне ад мерапрыемстваў па прызыву на вайсковую службу).

Глеба абвінавацілі ў тым, што ён удзельнічаў у стыхійнай акцыі пасля рэгістрацыі кандыдатаў у прэзідэнты, дзе штурхнуў нагой у бок супрацоўніка мінскага АМАПа Аляксея Місючэнку і аказаў непадпарадкаванне старэйшаму лейтэнанту АМАПа Дзмітрыю Чарніку, а таксама ў тым, што з-за боязі захварэць COVID-19 у казарме ўхіліўся ад мерапрыемстваў па прызыву на вайсковую службу. 

У лістападзе 2021 стала вядома аб пераводзе Глеба з ПК №1 у Следчую турму №8 і змене яму рэжыму на турэмны.

Выйшаў на волю 25 сакавіка 2024 г. 

У 2024 г. дададзены ў базу вышуку Расіі.

"Нібыта хацеў да першай гадавіны пратэстаў арганізаваць стачку на прамзоне", — былы палітвязень

Працу ў беларускіх калоніях называюць прымусовай, бо часта гэта цяжкая брудная праца з парушэннем нормаў бяспекі і шасцідзённым працоўным тыднем для палітычных зняволеных, як, напрыклад, у наваполацкай калоніі № 1.

20-гадовага мінчука асудзілі за падзеі 14 ліпеня па чатырох артыкулах Крымінальнага кодэкса

Суд Кастрычніцкага раёна Мінска 31 снежня асудзіў 20-гадовага мінчука Глеба Гатоўку за падзеі 14 ліпеня адразу па чатырох артыкулах. Глеба абвінавацілі ў тым, што ён удзельнічаў у стыхійнай акцыі пасля рэгістрацыі кандыдатаў у прэзідэнты, дзе штурхнуў нагой у бок супрацоўніка мінскага АМАПа Аляксея Місючэнку і аказаў непадпарадкаванне старэйшаму лейтэнанту АМАПа Дзмітрыю Чарніку, а таксама ў тым, што з-за боязі захварэць COVID-19 у казарме ўхіліўся ад мерапрыемстваў па прызыву на вайсковую службу. Суддзя Аляксандр Рудэнка прызнаў Глеба вінаватым і прызначыў яму пакаранне ў выглядзе чатырох гадоў пазбаўлення волі ва ўмовах агульнага рэжыму. Таксама суд пастанавіў спагнаць з абвінавачанага тры тысячы рублёў на карысць пацярпелых супрацоўнікаў АМАПа.

Палітвязні знаходзяцца па адрасах:

      Паказаць больш

      Апошнія навіны

      Больш навінаў
      Падтрымаць «Вясну»