Герман Валер'евіч Быхаў — жыхар Магілёва, індывідуальны прадпрымальнік. Быў затрыманы 15 сакавіка за два каментары ў тэлеграме, напісаныя ў жніўні 2020 года. Затрымлівалі Германа супрацоўнікі ГУБАЗіКа, дома быў праведзены вобшук. Першапачаткова яго вінавацялі па арт. 364 Крымінальнага кодэксу — пагроза гвалтам супрацоўнікам міліцыі.

Вядома, што за тыдзень да затрымання ў Германа Быхава памёр бацька, у якога была інваліднасць. Пры затрыманні выбілі чатыры зубы. Прымусілі яго напісаць яўку з павіннай.

Канчатковае абвінавачванне Герману прад'яўлена па ч. 1 арт. 130 Крымінальнага кодэкса — распальванне варожасці супраць іншай сацыяльнай групы (міліцыянтаў).

8 кастрычніка 2021 быў асуджаны да трох гадоў зняволення.

На пачатку студзеня 2022 з'явілася інфармацыя аб пераводзе Германа з Турмы №4 у ПК №3.

Быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

7 лістапада 2023 года вызвалены па заканчэнні тэрміну пакарання.