Ганна Вітальеўна Сунгурава да свайго затрымання працавала менеджаркай у мэблевай кампаніі. Мае траіх дзяцей. Вольны час прысвячала валанцёрству.

Ганна ўдзельнічала ў акцыях пратэсту пасля прэзідэнцкіх выбараў 9 жніўня. Яна дапамагала развозіць людзей па дамах пасля мітынгаў, а таксама забірала на машыне затрыманых, якіх выпускалі з ізалятара на Акрэсціна.

Жанчыну затрымалі 25 верасня 2020. Да яе прыехалі з ператрусам, канфіскавалі два камп'ютары і тэлефон, а затым павезлі ў Следчы камітэт. 

Ганне было прад'яўлена абвінавачванне па ч. 2 арт. 293 Крымінальнага кодэкса – “Удзел у масавых беспарадках”. Утрымлівалася ў СІЗА-1. 

"Жыве для іншых і бачыць у гэтым шчасце". Мама аб палітычнай зняволенай Ганне Сунгуравой

З верасня пад вартай у СІЗА на Валадарскага ў Мінску знаходзіцца палітычная зняволеная Ганна Сунгурава, якой прад'яўлена абвінавачванне ва ўдзеле ў масавых беспарадках (ч. 2 арт. 293 КК РБ). Мама Ганны Анжэла распавяла «Вясне» аб захапленнях і жыццёвай пазіцыі сваёй дачкі.

 

 

У судзе Першамайскага раёна Мінска 20 красавіка 2021 года вынесены прысуд па крымінальнай справе палітзняволенай Ганны Сунгуравай. Суддзя Чараповіч агучыла прысуд: тры гады абмежавання волі без накіравання ва ўснову адкрытага тыпу (хатняя хімія).

Тры гады "хатняй хіміі" маці траіх дзяцей Сунгуравай

У судзе Першамайскага раёна Мінска 20 красавіка вынесены прысуд па крымінальнай справе палітзняволенай Ганны Сунгуравай. Яе абвінавацілі у здзяйсненні злачынства па артыкуле 342 КК РБ (арганізацыя або актыўны ўдзел у групавых дзеяннях, якія груба парушаюць грамадскі парадак).