Ганна Пышнік (Чымпаеш)

Дата нараджэння: 2 красавіка 1994

Дата затрымання: 22 сакавіка 2022

Прад'яўленыя абвінавачванні:

арт. 361-4 Крымінальнага кодэкса — Садзейнічанне экстрэмісцкай дзейнасці

Вынік суда: 3 гады

Від пакарання: пазбаўленне волі ў калоніі ва ўмовах агульнага рэжыму

Месца зняволення: ПК № 4

Заява аб прызнанні палітзняволенай

Сімвалічны/ая хросны/ая: Тэрэза Берг Андэрсэн, дэпутатка дацкага парламента

Ганна Генадзьеўна Пышнік (Чымпаеш) была затрымана 22 сакавіка 2022 года ў Мазыры. Паводле версіі абвінавачвання, яна "зняла відэа з перамяшчэннем верталётаў для ангажаванага дэструктыўнага рэсурсу".

Ганна мае 9-гадовую дачку.

Дзяўчыне выставілі абвінавачванне паводле ч. 2 арт. 361-4 КК (Садзейнічанне экстрэмісцкаму фарміраванню) і да суду змясцілі яе ў гомельскі СІЗА-3.

16 жніўня 2022 г. Ганну прызналі вінаватай і асудзілі да трох гадоў зняволення ў калоніі ва ўмовах агульнага рэжыму. 15 лістапада 2022 г. была разгледжаная апеляцыйная скарга: прысуд пакінулі ў сіле.

На пачатку снежня палітзняволеную перавялі з СІЗА ў гомельскую жаночую калонію № 4.

Жыхарку Мазыра асудзілі за відэа расійскіх верталётаў

Паводле абвінавачання, 25 лютага, знаходзячыся ў Калінкавічах, Ганна зняла на iPhone відэа следу ад палёту вайсковага аб'екта і адправіла на "экстрэмісцкі" тэлеграм-канал. Плюс пакінула два каментары, у якіх паведамляла, што нібыта былі выпушчаныя дзве ракеты, а вайсковая тэхніка, якая едзе з Мазыра, раней стаяла ў адным з населеных пунктаў раёна, дзе знаходзяцца яшчэ 60 верталётаў. Другі ролік з верталётам, які пралятае ўжо над яе домам у Мазыры, зрабіла праз два дні. Ім таксама вырашыла падзяліцца. Ганна пакінула каментар аб тым, што некалькі верталётаў аблятаюць мясцовасць. У тэлефоне абвінавачванай былі выяўленыя 17 відэа, якія адлюстроўваюць перамяшчэнне расейскай вайсковай тэхнікі.

Адрас для лістоў: ПК № 4. 246035, г. Гомель, вул. Антошкіна, 3

Даслаць паштоўку