Ганна Пышнік (Чымпаеш)
Былая палітзняволеная
Дата нараджэння: 2 красавіка 1994
Дата затрымання: 22 сакавіка 2022
Прад'яўленыя абвінавачванні:
- арт. 361-4 Крымінальнага кодэкса — Садзейнічанне экстрэмісцкай дзейнасці
Вынік суда: 3 гады
Від пакарання: пазбаўленне волі ў калоніі ва ўмовах агульнага рэжыму
Дата вызвалення: 23 лістапада 2024
Іншыя пазнакі: Вайна ва Украіне
Заява аб прызнанні палітзняволенай
Сімвалічны(ая) хросны(ая): Тэрэза Берг Андэрсэн, дэпутатка дацкага парламента
Ганна Генадзьеўна Пышнік (Чымпаеш) была затрымана 22 сакавіка 2022 года ў Мазыры. Паводле версіі абвінавачвання, яна "зняла відэа з перамяшчэннем верталётаў для ангажаванага дэструктыўнага рэсурсу".
Ганна мае 9-гадовую дачку.
Дзяўчыне выставілі абвінавачванне паводле ч. 2 арт. 361-4 КК (Садзейнічанне экстрэмісцкаму фарміраванню) і да суду змясцілі яе ў гомельскі СІЗА-3.
16 жніўня 2022 г. Ганну прызналі вінаватай і асудзілі да трох гадоў зняволення ў калоніі ва ўмовах агульнага рэжыму. 15 лістапада 2022 г. была разгледжаная апеляцыйная скарга: прысуд пакінулі ў сіле.
На пачатку снежня палітзняволеную перавялі з СІЗА ў гомельскую жаночую калонію № 4.
Выйшла на волю ў лістападзе 2024 г.
Жыхарку Мазыра асудзілі за відэа расійскіх верталётаў
