Ганна Фёдараўна Кісялёва была затрымана 2 лютага 2022 года ў межах крымінальнай справы аб абразе прэзідэнта (арт. 368 Крымінальнага кодэксу). Справа была заведзена за спальванне пудзіла Лукашэнкі.

Жанчыне прад'явілі абвінавачванне і перавялі яе ў СІЗА-1.

У судзе Маскоўскага раёна Мінска 15 верасня 2022 г. суддзя Сяргей Кацэр асудзіў Ганну на паўтара года зняволення ў калоніі. Менавіта такое пакаранне патрабавала абвінавачанне. Таксама вядома, што "Мінсктранс" падаў пазоў на 15 тысяч беларускіх рублёў. На абвяшчэнні прысуду палітзняволеныя былі ў кайданках, іх суправаджалі шасцёра канваіраў.

Ганну напрыканцы кастрычніка 2022 г. этапавалі ў гомельскую калонію № 4.

Палітзняволеная цалкам адбыла пакаранне і 14 красавіка 2023 г. выйшла на волю.

Вынесены прысуд палітзняволеным, якіх абвінавацілі ў спальванні пудзіла Лукашэнкі

Дзяржабвінаваўца падчас апытання абвінавачаных павышаў на іх голас і давёў да слёз Ганну Кісялёву. Суддзя Кацэр пытаўся, чаму яны, дарослыя людзі, хадзілі на падобныя мерапрыемствы, навошта пілі гарбату на дварэ, хаця іх папярэджвалі, што нельга.