Дзмітрый Іосіфавіч Утоўка асуджаны за абразу прадстаўніка ўлады, суддзі і А.Лукашэнкі па арт. 369, 391 і 368 КК да пазбаўлення волі ў папраўчай калоніі. Справу разглядаў суд Мінскага раёна 7, 14 і 27 красавіка 2023 г. У гэты час Дзмітрый знаходзіўся ў ІЧУ Мінскага раёна.

Дакладны тэрмін невядомы.

20 чэрвеня 2023 году была разгледжаная апеляцыя.

Быў пераведзены з Турмы № 4 у ПК № 15 для адбывання пакарання. 

Паводле інфармацыі ад былога сукамерніка Дзмітрыя, яму прызначылі 3 ці 4 гады калоніі, быў затрыманы за некалькі каментароў. Вядома, што ён з Заслаўя, артадонт, 1979 года нараджэння. Мае інваліднасць па слыху, у зняволенні з слыхавым апаратам, у якім трэба мяняць батарэйкі. Сам апарат, па сведчаннях былога сукамерніка, таксама патрабуе замены.  

Дзмітрый атрымліваў грашовую дапамогу па інваліднасці, але яе ўтрымлівалі дзеля выплаты штрафаў. 

16 верасня 2024 г. выйшаў на волю па памілаванні.