Дзмітрый Пендзік
Былы палітвязень
Дата нараджэння: 16 лютага 1978
Дата затрымання: 29 верасня 2021
Прад'яўленыя абвінавачванні:
- арт. 369 Крымінальнага кодэкса — Абраза прадстаўніка ўлады
- арт. 130 Крымінальнага кодэкса — Распальванне варожасці ці варажнечы
Вынік суда: 1 год і 6 месяцаў
Від пакарання: пазбаўленне волі ў калоніі ва ўмовах агульнага рэжыму
Дата вызвалення: 19 кастрычніка 2022
Суддзя: Чарапанава Святлана
Справы: Справа Зельцэра
Дзмітрый Эдуардавіч Пендзік быў затрыманы па крымінальнай справе, распачатай за каментары ў інтэрнэце пасля гібелі супрацоўніка КДБ Дзмітрыя Федасюка і it-спецыяліста Андрэя Зельцэра.
Дзмітрый праходзіў па крымінальнай справе паводле арт. 369 КК (Абраза прадстаўніка ўлады) і ч. 1 арт. 130 КК (Распальванне сацыяльнай варожасці).
Пасля затрымання знаходзіўся ў ІЧУ на Акрэсціна, пасля быў пераведзены ў Следчую турму № 8.
Да суда быў змешчаны ў СІЗА-1. 25 жніўня 2022 г. у Мінскім гарадскім судзе адбыўся разгляд справы. Суддзя Святлана Чарапанава асудзіла палітвязня на паўтара года зняволення.
Дзмітрый цалкам адбыў тэрмін і 19 кастрычніка 2022 г. выйшаў на волю.
