Дзмітрый Панько

Дата нараджэння: 14 лістапада 2000

Дата затрымання: 19 ліпеня 2021

Прад'яўленыя абвінавачванні:

ч. 2 арт. 293 Крымінальнага кодэкса — Удзел у масавых беспарадках

Вынік суда: 3 гады

Від пакарання: пазбаўленне волі ў калоніі ва ўмовах узмоцненага рэжыму

Суддзя: Каліна Святаслаў

Пракурор: Бараноўскі Аляксей, Шарко Алена

Месца зняволення: ПК № 1

Заява аб прызнанні палітвязнем

Сімвалічны/ая хросны/ая: Томаш Марцінэк, дэпутат парламента Чэхіі

Дзмітрый Віктаравіч Панько — жыхар Брэста, фігурант крымінальнай справы аб масавых беспарадках (ч. 2 арт. 293 Крымінальнага кодэксу), узбуджанай пасля поствыбарчых акцый пратэсту ў абласным цэнтры.

Да суда ён знаходзіўся пад падпіскай аб нявыездзе. На працэсе 19 ліпеня 2021 мера стрымання была зменена, і Дзмітрыя ўзялі пад варту ў СІЗА.

12 жніўня 2021 года ў судзе Ленінскага раёна г. Брэста суддзя Святаслаў Каліна палічыў, што віна фігурантаў справы па ч. 2 арт. 293 КК даказаная, і пакараў Дзмітрыя Панько трыма гадамі зняволення.

У Брэсце пачалі судзіць яшчэ 12 чалавек за "масавыя беспарадкі" пасля выбараў

У судзе Ленінскага раёна Брэста пачаўся разгляд крымінальнай справы за масавыя беспарадкі 10 жніўня супраць яшчэ 12 чалавек. Усіх абвінавачваюць па ч. 2 арт. 293 Крымінальнага кодэкса. Гэта ўжо трэцяя "партыя" абвінавачаных па артыкуле 293 КК. Справу разглядае суддзя Святаслаў Каліна, дзяржабвінавачанне падтрымліваюць Бараноўскі і Шарко.

Паказанні пад ціскам і відэа з тэлефонаў. Як спрабуюць даказаць віну трэцяй “партыі” абвінавачаных па “масавых беспарадках” у Брэсце?

14 і 15 чэрвеня ў судзе Ленінскага раёна горада Брэста працягнуўся судовы працэс па крымінальнай справе аб «масавых беспарадках» у дачыненні да трэцяй «партыі» абвінавачаных. Гэта ўжо дзясятае і адзінаццатае па ліку пасяджэнні. Допыт сведак і прагляд рэчыўных матэрыялаў справы, якія складаюцца з відэа з канфіскаваных мабільных тэлефонаў — як дзяржабвінавачанне спрабуе даказаць вінаватасць 12-ці чалавек?

Ад 3 да 4,5 гадоў пазбаўлення волі: вынесены прысуд трэцяй партыі абвінавачаных па берасцейскіх "беспарадках"

12 жніўня ў судзе Ленінскага раёна г. Брэста агучылі прысуд трэцяй партыі абвінавачаных у масавых беспарадках падчас падзей 9-10 жніўня 2020 года.