Дзмітрый Сяргеевіч Новік — жыхар Жлобіна, асуджаны на два гады пазбаўлення волі ў калоніі агульнага рэжыму па арт. 342 Крымінальнага кодэкса (Актыўны ўдзел у групавых дзеяннях, якія груба парушаюць грамадскі парадак) і па арт. 364 КК (Гвалт у дачыненні да міліцыі).

Дзмітрыя абвінавацілі ў тым, што ён разам з іншымі асобамі, вечарам і ўначы з 9 на 10 жніўня 2020 г. браў актыўны ўдзел у групавых дзеяннях, якія груба парушылі грамадскі парадак, перашкаджалі працы грамадскага транспарту, выходзіў на праезную частку ў раёне вуліцы Першамайская, стаяў ў счэпцы. Таксама заклікаў астатніх не падпарадкоўвацца патрабаванням міліцыі, якія ахоўвалі грамадскі парадак, выкрыкваў лозунгі. Аказваў актыўны супраціў супрацоўнікам МУС, кідаў ў іх бок камяні і бутэлькі, наносіў ўдары па экіпіроўцы.

18 сакавіка 2021 г. у судзе Жлобіна Дзмітрыю вынеслі прысуд: два гады пазбаўлення волі ў калоніі агульнага рэжыму.

Палітвязень цалкам адбыў пакаранне ў ПК № 17 і выйшаў на волю 9 лютага 2023 г.

10 лютага 2023 г. МУС дадала былога палітзняволенага ў "спіс экстрэмістаў".