Дзмітрый Марцінкевіч

Дата нараджэння: 27 снежня 1972

Прад'яўленыя абвінавачванні:

арт. 406 Крымінальнага кодэкса — Неданясенне пра злачынства

Вынік суда: 3 месяцы

Від пакарання: арышт

Суддзя: Карсюк Дзмітрый

Дзмітрыя Дзмітрыевіча Марцінкевіча асудзілі за "неданясенне аб злачынстве".

У судзе Цэнтральнага раёна Мінска 30 сакавіка 2023 года ён прызнаны вінаватым у "неданясенні аб пэўна вядомай асобе, якая ўчыніла асабліва цяжкае злачынства, і аб месцы знаходжання такой асобы", і на падставе ч. 1 арт. 406 КК яму прызначана пакаранне ў выглядзе арышту на тэрмін тры месяцы.

30 чэрвеня 2023 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

15 гадоў калоніі прызначылі мінчаніну за падрыў міліцэйскай машыны каля Цэнтральнага РУУС

У судзе Цэнтральнага раёна Мінска 30 сакавіка 2023 года па справе падрыву міліцэйскай машыны асудзілі былога спецзназаўца Максіма Селязнёва. Яго прызналі вінаватым у здзяйсненні "акта тэрарызму ў мэтах аказання ўздзеяння на прыняцце рашэнняў органамі ўлады, застрашвання насельніцтва і дэстабілізацыі грамадскага парадку". Суддзя Дзмітрый Карсюк прызначыў яму 15 гадоў калоніі ва ўмовах узмоцненага рэжыму і штраф у памеры 200 базавых велічыняў. Таксама па гэтай справе да трох месяцаў арышту за "неданясенне аб злачынстве" асудзілі Дзмітрыя Марцінкевіча. Суд цягнуўся месяц у закрытым рэжыме.

 

Палітвязні знаходзяцца па адрасах:

      Паказаць больш

      Апошнія навіны

      Больш навінаў
      Падтрымаць «Вясну»