Дзмітрый Юр'евіч Лагодзіч быў затрыманы ў Брэсце па крымінальнай справе, распачатай за каментары ў інтэрнэце пасля гібелі супрацоўніка КДБ Дзмітрыя Федасюка і it-спецыяліста Андрэя Зельцэра. 

Дзмітрыю напачатку выставілі абвінавачванне паводле арт. 369 КК (Абраза прадстаўніка ўлады). Але ў выніку яго абвінавацілі паводле ч. 1 і ч. 2 арт. 368 КК (абраза Лукашэнкі) і ч. 1 арт. 130 КК (распальванне сацыяльнай варожасці).

У сярэдзіне студзеня 2022 з'явіліся звесткі аб пераводзе Дзмітрыя з жодзінскай СТ № 8 у брэсцкі СІЗА-7.

4 лістапада 2022 г. у Брэсцкім абласным судзе быў вынесены прысуд палітвязню: яго прызналі вінаватым і асудзілі да трох з паловай гадоў зняволення ва ўмовах агульнага рэжыму.

У студзені 2023 г. палітвязня дадалі ў спіс "асоб, датычных да экстрэмісцкай дзейнасці", а таксама ў спіс "асоб, датычных да тэрарыстычнай дзейнасці".

На пачатку лютага 2023 г. Дзмітрыя перавялі з СІЗА-7 у баранавіцкі СІЗА-6.

Дзмітрый адбываў пакаранне ў ПК магілёўскай ПК № 15.

Выйшаў на волю ў пачатку жніўня 2024 г. 

Па "справе Зельцэра" асуджаны жыхар Брэста Дзмітрый Лагодзіч

Падчас суда высветлілася, што абвінавачанне за абразу Лукашэнкі выставілі за каментар, пакінуты яшчэ 12 жніўня 2020 года ва "ВКонтакте". Тады пад сваім імем Дзмітрый пракаментаваў навіну на старонцы TUT.BY.