Дзмітрый Анатольевіч Казлоўскі быў затрыманы па крымінальнай справе, узбуджанай за каментары ў інтэрнэце пасля гібелі супрацоўніка КДБ Дзмітрыя Федасюка і it-спецыяліста Андрэя Зельцэра, і змешчаны ў СТ № 8. 

Дзмітрый Казлоўскі мае вышэйшую адукацыю: скончыў Высшае ваеннае інжынернае вучылішча сувязі ў Санкт-Пецярбургу па спецыяльнасці шматканальная электрасувязь у 1994 годзе. 

Дзмитрыя абвінавацілі паводле арт. 369 КК (Абраза прадстаўніка ўлады) і ч. 1 арт. 130 КК (Распальванне сацыяльнай варожасці).

Разгляд справы палітвязня адбываўся на працягу некалькіх пасяджэнняў у верасні-кастрычніку 2022 г. у Мінскім гарадскім судзе. Суддзя Алена Шылько 17 кастрычніка 2022 г. прызначыла Дзмітрыю два гады зняволення і 100 базавых велічыняў штрафу.

Па падліках праваабаронцаў, палітвязень выйшаў на волю 18 сакавіка 2023 г., цалкам адбыўшы тэрмін.