Паводле версіі следства, Леанід Кавалёў вырабіў два "кактэйлі Молатава", перавёз іх у цэнтр горада і схаваў у адным з двароў. Увечары 10 жніўня ён прыехаў у раён правядзення пратэсных мітынгаў, дзе знайшоў выканаўцаў свайго злачыннага плана — самога Дзмітрыя Карнеева і 16-гадовага Мікіту Залатарова. Мужчына перадаў новым знаёмым "кактэйлі Молатава" для таго, каб яны падпалілі сцяну якога-небудзь дома, а затым стаў пераконваць іх здзейсніць больш радыкальныя дзеянні — падпаліць гарадскі аўтобус ці аўтазак. На шляху маладыя людзі сустрэлі вайскоўцаў вайсковай часткі 5525 і кінулі "кактэйлі" ў іх бок. Шкляная бутэлька ўпала каля вайскоўцаў і разбілася аб асфальт. Карнееў і Залатароў ўцяклі — іх затрымалі пазней. А Кавалёва ў гэты ж вечар.

Суддзя Дзмітрый Дзябой асудзіў Карнеева да 8 гадоў калоніі строгага рэжыму.

Карнееў асуджаны па трох артыкулах Крымінальнага кодэкса: 

• 293 (арганізацыя масавых беспарадкаў); 
• 295-3 (незаконныя дзеянні ў дачыненні да прадметаў, паразлівае дзеянне якіх заснавана на выкарыстанні гаручых рэчываў); 
• 364 (гвалт альбо пагроза ўжывання гвалту ў дачыненні да супрацоўнікаў органаў унутраных спраў).

8 снежня 2021 адбыўся суд паводле арт. 411 КК за "злоснае непадпарадкаванне патрабаванням адміністрацыі папраўчай установы". У выніку Дзмітрыю прызначылі 3 гады турэмнага рэжыму, якія ён адбывае ў гродзенскай Турме №1.

У Гомелі вынеслі суровыя прысуды па справе аб "кактэйлях Молатава"

У Чыгуначным судзе Гомеля раніцай 22 лютага былі агучаныя прысуды па так званай справе аб "кактэйлях Молатава", піша Гомельская Вясна.

Што адбываецца на судзе па справе гомельскай тройкі?

19 студзеня ў судзе Чыгуначнага раёна г. Гомеля працягваецца судовы працэс па крымінальнай справе ў дачыненні да 16-гадовага Мікіты Залатарова, 25-гадовага Дзмітрыя Карнеева і 28-гадовага Леаніда Кавалёва.