IT-спецыяліст Дзмітрый Віктаравіч Качаноўскі быў затрыманы супрацоўнікамі КДБ 21 сакавіка 2023 году. Яго абвінавацілі паводле арт. 361-2 (фінансаванне дзейнасці экстрэмісцкага фармавання) Крымінальнага кодэксу за данаты ў арганізацыі, якія падтрымліваюць беларусаў. Вядома, што Дзмітрыя абвінавачвалі паводле дзесяці эпізодаў. Утрымліваўся ў СІЗА-1. 

21 верасня 2023 г. адбыўся суд па справе Дзмітрыя ў Мінскім гарадскім судзе. Анжэла Касцюкевіч паводле арт. 361-2 ч. 1 (фінансванне экстрэмісцкай дзейнасці) прысудзіла палітвязню 3 гады ў калоніі агульнага рэжыма. 

21 лістапада 2023 г. у Дзмітрыя адбыўся разгляд апеляцыйнай скаргі ў Вярхоўным судзе. Старшыня судовай камісіі Ўладзімір Чаравач. Прысуд набыў моц. 

Адбываў пакаранне Дзмітрый у ПК № 1. 

1 снежня 2023 г. МУС дадала Дзмітрыя ў "спіс экстрэмістаў".

Выйшаў на волю 3 ліпеня 2024 г. 

"Не сведчыць пра сур'ёзныя змены ў сітуацыі з правамі чалавека". Праваабаронца "Вясны" каментуе вызваленне палітвязняў

Праваабаронца Павел Сапелка каментуе сітуацыю.

Больш за 15 палітвязняў вызвалілі па амністыі і памілаванні, сярод іх — Рыгор Кастусё

Па інфармацыі "Вясны", частка палітвязняў выйшлі па памілаванні, а не па амністыі.