Дзмітрый Юртаеў

Дата нараджэння: 5 траўня 1978

Дата затрымання: 21 верасня 2022

Прад'яўленыя абвінавачванні:

арт. 368 Крымінальнага кодэкса — Абраза прэзідэнта Рэспублікі Беларусь
арт. 130 Крымінальнага кодэкса — Распальванне варожасці ці варажнечы

Вынік суда: 2 гады

Від пакарання: пазбаўленне волі ў калоніі ва ўмовах агульнага рэжыму

Дата пачатку адбыцця пакарання: 11 ліпеня 2023

Суддзя: Касцюкевіч Анжэла

Пракурор: Халапка

Месца зняволення: ПК № 3

Заява аб прызнанні палітвязнем

Дзмітрый Валер'евіч Юртаеў — дзіцячы паэт і празаік, пераможца конкурсу "Пісьменнікі — дзецям", выкладчык школы "Смарт скул".

Яго затрымалі 21 верасня 2022 года супрацоўнікі ГУБАЗіК. Выкладчыка прымусілі на камеру чытаць уласныя вершы і апраўдвацца — нібыта ён у жніўні 2020 года хадзіў на акцыі, пісаў паведамленні ў Facebook і "ВКонтакте". Таксама ў праўладных каналах зʼявіліся скрыншоты з яго сацыяльных сетак з крытыкай дзеянняў уладаў.

Спачатку Дзмітрыя двойчы арыштавалі паводле адміністрацыйных справаў. За пару дзён да заканчэння чарговага тэрміну супраць яго распачалі крымінальную справу за абразу Лукашэнкі (ч. 1 арт. 368 КК). Пазней стала вядома, што яго таксама абвінавачваюць паводле ч. 1 арт. 130 КК (Распальванне іншай сацыяльнай варожасці ці варажнечы).

Утрымліваўся ў СІЗА-1.

Працэс над палітвязнем распачаўся 14 красавіка 2023 г. у Мінгарсудзе. Справу разглядае суддзя Анжэла Касцюкевіч.

29 красавіка 2023 г. палітзняволенага асудзілі да двух гадоў пазбаўлення волі ў калоніі.

11 ліпеня 2023 г. у Вярхоўным судзе разглядалася апеляцыйная скарга палітвязня суддзёй Таццянай Васілевіч.

28 ліпеня 2023 г. МУС унёс палітзняволенага ў "Пералік грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці".

Адбывае пакаранне ў ПК № 3.

Стаў вядомы прысуд дзіцячаму паэту і выкладчыку Дзмітрыю Юртаеву

Юртаева абвінавацілі у абразе Аляксандра Лукашэнкі (ч. 1 арт. 368 КК) і распальванні іншай сацыяльнай варожасці альбо варажнечы (ч. 1 арт. 130 КК).

"Каго вы называлі фашыстамі?" У Мінску судзяць дзіцячага паэта і выкладчыка Дзмітрыя Юртаева

Некалькі разоў падчас судовага допыту ў Юртаева пыталіся: "Каго вы называлі фашыстамі?" Ен адказаў, што не меў на ўвазе канкрэтную асобу, а толькі тых сілавікоў, якія збівалі людзей.

У Мінгарсудзе пачынаюць судзіць паэта і выкладчыка Дзмітрыя Юртаева

Спачатку Дзмітрыя двойчы арыштавалі паводле адміністрацыйных спраў. За некалькі дзён да заканчэння чарговага тэрміну супраць яго узбудзілі крымінальную справу за абразу Лукашэнкі (арт. 368 КК). Цяпер стала вядома, што яго таксама абвінавачваюць паводле арт. 130 КК (распальванне іншай сацыяльнай варожасці).