Дзмітрый Янкоўскі
Дата затрымання: 15 сакавіка 2021
Прад'яўленыя абвінавачванні:
арт. 364 Крымінальнага кодэкса — Гвалт альбо пагроза ўжывання гвалту ў дачыненні да супрацоўніка органаў унутраных спраў
Вынік суда: 1 год
Від пакарання: пазбаўленне волі ў калоніі ва ўмовах агульнага рэжыму
Дата вызвалення: 23 снежня 2021
Дзмітрый Янкоўскі — жыхар Жодзіна. Дзмітрый быў відавочцам інцыдэнту ў горадзе ў верасні мінулага года, калі міліцыянт так ударыў па твары жанчыну, што яна ўпала. Дзмітрый заступіўся за жанчыну, і ў дачыненні да яго завялі крымінальную справу за гвалт над супрацоўнікам органаў унутраных спраў (арт. 364 Крымінальнага кодэксу).
"Два месяцы Дзіму пратрымалі ў СІЗА, — распавяла TUT.BY яго сяброўка Юлія. — У судзе ён прызнаваў, што дакрануўся да міліцыянта, але ніякіх калецтваў ён яму не нанёс, проста заступіўся за жанчыну, якая ўпала ад удару. І адвакат паказваў на тое, што з дзяцінства нас вучаць, што трэба абараняць дзяцей, старых і жанчын. Акрамя таго, абаронца звярнуў увагу, што доўг кожнага грамадзяніна перашкаджаць здзяйснення злачынства, а менавіта так выглядалі дзеянні міліцыянта. Дзіма нават не ведаў тую жанчыну, у яго няма юрыдычнай адукацыі, каб з ходу ацаніць, як будуць расцэненыя яго дзеянні, усё адбылося хутка".
У выніку Дзмітрыя асудзілі на 1 год пазбаўлення волі ў калоніі агульнага рэжыму (ПК № 17).
Дзмітрый цалкам адбыў тэрмін зняволення і 23 снежня 2021 выйшаў на свабоду.
"Не змог назіраць з боку". Вынесены прысуд удзельніку інцыдэнту ў Жодзіне, калі міліцыянт ударыў жанчыну