Дзмітрый Мікалаевіч Грышчанка — супрацоўнік "Беларуснафты" з Гомеля. Быў затрыманы 14 траўня 2021 года і змешчаны ў ізалятар, пазней яго перавялі ў гомельскі СІЗА. 

Дзмітрый разам з іншымі супрацоўнікамі прадпрыемства прымаў удзел у запісу звароту супраць гвалту і за перамовы. Таксама напрыканцы кастрычніка 2020 года запісаў для TUT.BY зварот да калег і кіраўніцтва "Беларуснафты", у якім асуджаў рэпрэсіі, заклікаў не замоўчваць сітуацыю і адкрыта заяўляць пра сваю пазіцыю. За пару тыдняў да затрымання ў яго праводзіўся вобшук у межах праверкі па справе аб абразе (абвінавачванні па гэтым артыкуле яму прад'яўлены не былі).

Дзмітрыю выставілі абвінавачванне па ч. 1 арт. 342 Крымінальнага кодэксу (арганізацыя альбо актыўны ўдзел у групавых дзеяннях, якія груба парушаюць грамадскі парадак) і па арт. 364 КК (гвалт альбо пагроза прымянення гвалту ў дачыненні да супрацоўніка органаў унутраных спраў).

У судзе Цэнтральнага раёна Гомеля 15 снежня 2021 года пачаўся разгляд ягонай крымінальнай справы. Падчас судовых спрэчак пракурорка Алейнікава запатрабавала для Мачалава і Грышчанкі па тры гады пазбаўлення волі ў калоніі агульнага рэжыму. 3 студзеня 2022 суддзя Віктар Казачак вынес менавіта такое пакаранне.

8 красавіка 2022 года Дзмітрый быў этапаваны ў ПК № 1.

Вызвалены па заканчэнні тэрміну пакарання 8 снежня 2023 г.

Жыхароў Гомеля асудзілі на тры гады калоніі за ўдзел у вераснёўскай акцыі пратэсту 2020 года

Суд Цэнтральнага раёна Гомеля 3 студзеня вынес прысуд па крымінальнай справе палітвязняў Станіслава Мачалава і Дзмітрыя Грышчанкі. Іх абвінавацілі ў арганізацыі і падрыхтоўцы дзеянняў, якія груба парушаюць грамадскі парадак, альбо актыўным ўдзеле у іх (ч.1 арт 342 КК), а Мачалава дадаткова яшчэ і ў гвалце альбо пагрозе ўжывання гвалту ў дачыненні да супрацоўніка органаў унутраных спраў (арт. 364 КК РБ).

Суд над Мачалавым і Грышчанкам: амапаўцы блытаюцца ў паказаннях, кажуць, што нічога не памятаюць

Пры праглядзе відэафайлаў, далучаных да справы, Станіслаў і Дзмітрый звярнулі ўвагу суду, што ў момант знаходжання удзельнікаў маршу на праезнай частцы вуліцы Савецкай на святлафоры гарыць зялёнае святло.

Справа Мачалава і Грышчанкі: амапаўцы адвольна затрымлівалі людзей і паводзілі сябе даволі агрэсіўна

У судовым пасяджэнні 16 снежня вывучалі пісьмовыя матэрыялы справы і дапытвалі сведак.

Суд над Мачалавым і Грышчанкам: пацярпелыя амапаўцы вылучылі грамадзянскія пазовы

Суд Цэнтральнага раёна Гомеля 16 снежня працягвае разглядаць крымінальную справу палітвязняў Станіслава Мачалава і Дзмітрыя Грышчанкі. Справу разглядае суддзя Віктар Казачок. Дзяржабвінаваўца – пракурорка Алейнікава.

У Гомелі судзяць праграміста і нафтавіка, якія нібыта дзейнічалі ў складзе групы, хаця паміж сабой незнаёмыя

У судзе Цэнтральнага раёна Гомеля 15 снежня пачаўся разгляд крымінальнай справы палітвязняў Станіслава Мачалава і Дзмітрыя Грышчанкі. Іх абвінавацілі ў арганізацыі і падрыхтоўцы дзеянняў, што груба парушаюць грамадскі парадак, альбо актыўным ўдзеле у іх (ч.1 арт 342 КК), а Мачалава дадаткова яшчэ і ў гвалце альбо пагрозе ўжывання гвалту ў дачыненні да супрацоўніка органаў унутраных спраў (арт. 364 КК РБ).

«Могут нарисовать обвинение в подготовке госпереворота, краже любимой собаки императора». Задержали сотрудника «Белоруснефти», осудившего насилие в стране

Работника «Белоруснефти» Дмитрия Грищенко по неизвестной причине задержали вечером 15 мая. Сейчас мужчина в ИВС. Ранее он вместе с другими сотрудниками предприятия записывал видеообращение против насилия и за переговоры.