Дзмітрый Анатольевіч Дзямешка быў затрыманы ў Навалукомлі па крымінальнай справе, узбуджанай за каментары ў інтэрнэце пасля гібелі ў мінскай кватэры супрацоўніка КДБ Дзмітрыя Федасюка і it-спецыяліста Андрэя Зельцэра. 

Дзмітрыю выставілі абвінавачванне паводле артыкулаў 368 КК (Абраза прэзідэнта) 369 КК (Абраза прадстаўніка ўлады) і 130 КК (Распальванне сацыяльнай варожасці).

На пачатку студзеня 2022 з'явілася інфармацыя аб пераводзе Дзмітрыя з СІЗА-2 у мінскі СІЗА-1.

У верасні 2022 г. палітзняволенага асудзілі да трох гадоў абмежавання волі з накіраваннем у ПУАТ — "хіміі". Таксама палітвязень мусіць выплаціць 100 базавых велічыняў штрафу і чатыры тысячы рублёў кампенсацыі маральнай шкоды. Падчас суда стала вядома, што за месяц да разгляду справы яму замянілі меру стрымання са зняволення на хатні арышт. Палітвязень быў вызвалены ў зале суда да накіравання ва ўстанову адкрытага тыпу.

Вядома, што Дзмітрый пачаў адбываць пакаранне ў ПУАТ № 17. Неўзабаве адбыўся суд па пераводзе яго ў калонію.

Па падліках выйшаў на волю восенню 2024 г.