Дзмітрый Андрэевіч Цімашэнка — гамяльчук, асуджаны па артыкуле аб гвалце ў дачыненні да міліцыі (арт. 364 Крымінальнага кодэксу)

Згодна з абвінавачваннем, 15 лістапада 2020 г. на пратэстнай акцыі Цімашэнка ўдарыў па руцэ міліцыянтку Наталлю Сінкевіч, якая здымала грамадзянаў, і тэлефон выпаў з яе рук і разбіўся. На яго завялі крымінальную справу па арт. 364 Крымінальнага кодэкса — “Гвалт ці пагроза гвалту ў дачыненні да супрацоўніка МУС”.

19 лютага 2021 г. суд прызнаў Дзмітрыя Цімашэнку вінаватым і прызначыў пакаранне ў выглядзе двух з паловай гадоў пазбаўлення волі ў папраўчай установе агульнага рэжыму. Таксама хлопцу трэба выплаціць кампенсацыю маральнай шкоды пацярпелай міліцыянтцы 1000 рублёў.

Пакаранне палітвязень адбываў у шклоўскай калоніі № 17.

Вядома, што ў лютым 2023 г. яго змяшчалі ў ШІЗА на 20 сутак.

Дзмітрый цалкам адбыў тэрмін і 4 сакавіка 2023 г. выйшаў на волю.

У Гомелі судзяць Дзмітрыя Цімашэнку: "Ударыў супрацоўніцу міліцыі па руцэ, у яе выпаў тэлефон"

У судзе Цэнтральнага раёна Гомеля распачаўся крымінальны працэс па арт. 364 Крымінальнага кодэкса — “Гвалт ці пагроза гвалту ў дачыненні да супрацоўніка МУС”. На лаве падсудных — 22-гадовы Дзмітрый Цімашэнка.

За выбіты з рук супрацоўніцы міліцыі тэлефон гамяльчук атрымаў два з паловай гады калоніі

Яшчэ 15 лістапада на пратэстай акцыі падсудны ўдарыў па руцэ міліцыянтку Наталлю Сінкевіч, якая здымала грамадзянаў, тэлефон выпаў з яе рук і разбіўся.