Дзмітрый Буневіч

Былы палітвязень

Дата нараджэння: 5 снежня 1992

Дата затрымання: 12 сакавіка 2021

Прад'яўленыя абвінавачванні:

  • арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
  • арт. 411 Крымінальнага кодэкса — Злоснае непадпарадкаванне патрабаванням адміністрацыі папраўчай установы

Вынік суда: 2 гады і 1 месяц

Від пакарання: пазбаўленне волі ў калоніі ва ўмовах агульнага рэжыму

Дата вызвалення: 15 лістапада 2023

Суддзя: Шурын Дзмітрый

Пракурор: Юшчук Міхаіл, Ляшок Сцяпан

Справы: Справа карагодаў

Заява аб прызнанні палітвязнем

Дзмітрый Віктаравіч Буневіч — жыхар Брэста, фігурант "справы карагодаў", распачатай пасля акцыі 13 верасня 2020 года. 

Дзмітрый знаходзіўся на волі ў статусе падазраванага па гэтай справе (па арт. 342 КК — Актыўны ўдзел у групавых дзеяннях, якія груба парушаюць грамадскі парадак). 12 сакавіка 2021 г. яго затрымалі і змясцілі пад варту да прысуду. 15 сакавіка 2021 г. пакаралі 1 годам і 8 месяцамі пазбаўлення волі ў калоніі агульнага рэжыму.

Палітвязень утрымліваўся ў СІЗА-7, у лістападзе 2021 г. стала вядома, што яго перавялі ў ПК № 15.

У красавіку 2023 г. стала вядома, што Дзмітрыю прысудзілі яшчэ 5 месяцаў калоніі паводле арт. 411 КК (злоснае непадпарадкаванне патрабаванням адміністрацыі калоніі).

Па падліках праваабаронцаў вызвалены восенню 2023 года па заканчэнні тэрміну пакарання.

Дваім — калонія. У Брэсце асудзілі другую дзясятку па "справе карагодаў"

Суд Ленінскага раёна Брэста 15 сакавіка вынес прысуды па крымінальнай справе па ч. 1 арт. 342 Крымінальнага кодэкса за ўдзел 13 верасня ў карагодзе на скрыжаванні бульвара Касманаўтаў і праспекта Машэрава, калі пратэстоўцы былі разагнаныя вадамётам. Суддзя Дзмітрый Шурын асудзіў адразу восем чалавек, прызначыўшы ім пакаранне ад 1,5 года "хатняй хіміі" да 1 года і 8 месяцаў калоніі. Гэта ўжо другая "партыя" асуджаных, але пакаранне ў выглядзе пазбаўлення волі было прызначана ўпершыню. Колькасць абвінавачаных па "справе карагодаў" дасягае паўсотні — гэта адна з самых масавых "палітычных справаў" у Беларусі.

"Справа карагодаў" у Брэсце: судзяць другую дзясятку

У судзе Ленінскага раёна Брэста 15 лютага пачаўся разгляд крымінальнай справы паводле ч. 1 арт. 342 Крымінальнага кодэксаза ўдзел 13 верасня ў карагодзе на скрыжаванні бульвара Касманаўтаў і праспекта Машэрава, калі пратэстоўцы былі разагнаныя вадамётам. Справу разглядае суддзя Дзмітрый Шурын. На лаве падсудных цяпер — дзесяць чалавек. Гэта ўжо другая "партыя" абвінавачаных. Колькасць абвінавачаных дасягае паўсотні абвінавачаных — гэта адна з самых масавых "палітычных справаў" у Беларусі. Дзяржаўнае абвінавачванне падтрымліваюць пракуроры Юшчук і Ляшок. "Вясна" назірае за гэтым працэсам і распавядае падрабязнасці.

Палітвязні знаходзяцца па адрасах:

      Паказаць больш

      Апошнія навіны

      Больш навінаў
      Падтрымаць «Вясну»