Дзмітрый Бабок

Былы палітвязень

Дата затрымання: 10 чэрвеня 2021

Прад'яўленыя абвінавачванні:

  • арт. 368 Крымінальнага кодэкса — Абраза прэзідэнта Рэспублікі Беларусь

Вынік суда: 1 год

Від пакарання: пазбаўленне волі ў калоніі ва ўмовах агульнага рэжыму

Дата вызвалення: 9 чэрвеня 2022

Суддзя: Карцінін Павел

Заява аб прызнанні палітвязнем

Дзмітрый Уладзіміравіч Бабок — жыхар Бабруйска, асуджаны на адзін год пазбаўлення волі ў калоніі агульнага рэжыму па артыкуле аб абразе прэзідэнта (арт. 368 Крымінальнага кодэксу).

У Дзмітрыя двое дзяцей, ён пазбаўлены бацькоўскіх правоў і выплачвае аліменты. Мужчыну ўзялі пад варту ў зале суда 10 чэрвеня 2021 пасля абвяшчэння прысуду і змясцілі ў СІЗА-5.

Паводле падлікаў праваабаронцаў, у чэрвені 2022 года Дзмітрый цалкам адбыў пакаранне.

1,5 года “хіміі” і зламаныя рэбры за абразу Лукашэнкі. Як беларусаў судзілі за абразы прадстаўнікоў улады на гэтым тыдні

Праваабарончы цэнтр "Вясна" працягвае маніторыць судовыя пасяджэнні па крымінальных справах, звязаных з нецярпімасцю беларускіх уладаў да любых формаў праявы пратэсту. Па дадзеных праваабаронцаў, самымі распаўсюджанымі крымінальнымі інструментамі рэпрэсій сёння з’яўляюцца пераслед па дыфамацыйных артыкулах: абраза прадстаўнікоў улады, суддзяў, міліцыянтаў, прэзідэнта (арт. 368, 369, 391 Крымінальнага кодэкса). Штодзень па ўсёй Беларусі адбываюцца суды па гэтых артыкулах. На гэтым тыдні прайшлі суды ў Светлагорску, Старых Дарогах, Бабруйску, Карэлічах, Дзятлаве і іншых гарадах за абразы прадстаўнікоў улады у розных сацсетках і па тэлефоне. 1,5 гады “хіміі” і зламаныя рэбры і сківіца за абразу Лукашэнкі на Берасцейшчыне, год калоніі бабруйчаніну за абразу Лукашэнкі, год “хіміі” за каментар пра міліцыянта ў Instagram і іншыя кейсы – “Вясна” распавядае, каго і за што на гэтым тыдні судзілі ў Беларусі па дыфамацыйных артыкулах Крымінальнага кодэкса.

Палітвязні знаходзяцца па адрасах:

      Паказаць больш

      Апошнія навіны

      Больш навінаў
      Падтрымаць «Вясну»