Дзмітрый Міхайлавіч Абрамук — фігурант брэсцкай "справы карагодаў", распачатай па падзеях 13 верасня 2020 года ў горадзе (калі пратэстоўцы выйшлі на праезную частку, а іх разагнаў вадамёт).

Прад'яўлена абвінавачванне па арт. 342 Крымінальнага кодэкса (Актыўны ўдзел у групавых дзеяннях, якія груба парушаюць грамадскі парадак). 

Суд Ленінскага раёна Брэста 15 сакавіка 2021 года вынес прысуды па гэтай крымінальнай справе. Суддзя Дзмітрый Шурын асудзіў адразу восем чалавек, прызначыўшы ім пакаранне ад 1,5 года "хатняй хіміі" да 1 года і 8 месяцаў калоніі. Дзмітрый Абрамук атрымаў 2 гады абмежавання волі з накіраваннем у папраўчую ўстанову адкрытага тыпу ("хімія").

Пачаў адбываць пакаранне ў ПУАТ №9.

17 чэрвеня 2021 года ў Маскоўскім судзе Брэста суддзя Брэган разгледзеў другую справу ў дачыненні да палітвязня.  Дзяржабвінаваўца Ціхановіч агучыла версію абвінавачвання: нецвярозы Абрамук Дзмітрый патэлефанаваў у міліцыю на лінію 102 і абразіў Лукашэнку, чым здзейсніў злачынства па ч.1 арт. 368 КК. Дзяржабвінавачанне запрасіла для мужчыны два гады абмежавання волі. З улікам неадбытага пакарання, шляхам складання прызначыць тры гады "хіміі". Прысуд суддзі цалкам супаў з запытаным бокам абвінавачвання.

У сярэдзіне снежня 2021 праваабаронцам "Вясны" паведамілі, што Дзмітрыя змясцілі ў штрафны ізалятар, які знаходзіцца ў ІЧУ пры УУС Віцебскага аблвыканкама. На Дзмітрыя склалі адразу чатыры рапарты за тое, што ён адмовіўся ад прыбірання туалету, на ПГД быў з тэлефонам, за тумбачкай адміністрацыя нібыта знайшла волас пасля прыбірання і палічыла, быццам ён не прыбіраў зусім, і за тое, што лаяўся матам. Акрамя гэтага, па словах яго суседзяў, асабіста начальнік ПУАТ-9 папрасіў начальніка ІЧУ складаць рапарты на Абрамука за парушэнне правілаў парадку менавіта ў ІЧУ. Такая практыка робіцца, каб паспрабаваць узмацніць пакаранне для вязняў. За снежань-студзень Дзмітрый правёў у ШІЗА 40 сутак.

Пасля вяртання на "хімію" пры паходзе ў краму Абрамук пакінуў ПУАТ. Праз тры дні ён быў затрыманы і змешчаны ў віцебскі СІЗА-2.

Над ім чакаўся суд па змене пакарання: з "хіміі" на калонію. На пачатку лютага 2022 стала вядома, што суд быў адкладзены, а сам Дзмітрый вярнуўся з СІЗА-2 у ПУАТ №9. 14 лютага 2022 суд вырашыў не змяняць Дзмітрыю рэжым адбывання пакарання.

17 лютага 2022 над Дзмітрыем Абрамуком адбыўся суд па ўзмацненні пакарання за парушэнні рэжыму ПУАТ. Палітвязню замянілі тры гады "хіміі" на 1 год, 1 месяц і 16 дзён калоніі. Акрамя гэтага, адміністрацыя віцебскага СІЗА-2 пакарала Абрамука 10 суткамі ШІЗА за адмову прыбіраць туалеты. Агулам ён правёў у ШІЗА 70 сутак.

У сярэдзіне красавіка 2022 Дзмітрый быў этапаваны ў наваполацкую калонію № 1. У студзені 2023 г. стала вядома, што палітвязня змясцілі ў ПКТ да канца тэрміну.

Дзмітрый цалкам адбыў пакаранне і 22 красавіка 2023 г. выйшаў на волю.

Трэцюю справу супраць берасцейца ўзбудзілі 19 чэрвеня 2023 г. гэтага года паводле ч. 1 арт. 361-4 Крымінальнага кодэкса (садзейнічанне экстрэмісцкай дзейнасці). Нягледзячы на тое, што Дзмітрый не знаходзіцца ў Беларусі, супрацоўнікі міліцыі прыйшлі 18 жніўня 2023 г. да яго маці з ператрусам, з якой ён нават не камунікуе. На маёмасць у доме накладзены арышт.

На Дзмітрыя Абрамука ўзбудзілі крымінальную справу за "садзейнічанне экстрэмісцкай дзейнасці"

Негледзячы на тое, што ўжо трэці месяц Дзмітрый не знаходзіцца ў Беларусі, супрацоўнікі міліцыі прыйшлі 18 жніўня да яго маці з ператрусам, з якой ён нават не камунікуе. На маёмасць у доме накладзены арышт.

"А ў чым мне прызнаваць віну?" Гісторыя палітвязня з чырвонай біркай

Амаль за два гады зняволення ён прайшоў 130 сутак у штрафных ізалятарах і чатыры з паловай месяцы ў памяшканні камернага тыпу. Апынуўшыся ў бяспецы, Дзмітрый распавёў "Вясне" пра свой пераслед, каханне і ўцёкі на "хіміі", аб сустрэчах з кдбшнікамі, іншымі палітвязнямі, а таксама пра доўгачаканае вызваленне.

Дваім – калонія. У Брэсце асудзілі другую "дзясятку" па "справе карагодаў"

Суд Ленінскага раёна Брэста 15 сакавіка 2021 года вынес прысуды па крымінальнай справе па ч. 1 арт. 342 Крымінальнага кодэкса за ўдзел 13 верасня ў карагодзе на скрыжаванні бульвара Касманаўтаў і праспекта Машэрава, калі пратэстоўцы былі разагнаныя вадамётам. Суддзя Дзмітрый Шурын асудзіў адразу восем чалавек, прызначыўшы ім пакаранне ад 1,5 года "хатняй хіміі" да 1 года і 8 месяцаў калоніі. Гэта ўжо другая "партыя" асуджаных, але пакаранне ў выглядзе пазбаўлення волі было прызначана ўпершыню. Колькасць абвінавачаных па "справе карагодаў" дасягае паўсотні — гэта адна з самых масавых "палітычных справаў" у Беларусі.

"Справа карагодаў" у Брэсце: судзяць другую дзесятку

У судзе Ленінскага раёна Брэста 15 лютага пачаўся разгляд крымінальнай справы паводле ч. 1 арт. 342 Крымінальнага кодэкса за ўдзел 13 верасня ў карагодзе на скрыжаванні бульвара Касманаўтаў і праспекта Машэрава, калі пратэстоўцы былі разагнаныя вадамётам. Справу разглядае суддзя Дзмітрый Шурын. На лаве падсудных цяпер — дзесяць чалавек. Гэта ўжо другая "партыя" абвінавачаных. Колькасць абвінавачаных дасягае паўсотні абвінавачаных — гэта адна з самых масавых "палітычных справаў" у Беларусі. Дзяржаўнае абвінавачванне падтрымліваюць пракуроры Юшчук і Ляшок. "Вясна" назірае за гэтым працэсам і распавядае падрабязнасці.