Дзяніс Заянчэўскі

Дата затрымання: 22 лістапада 2020

Прад'яўленыя абвінавачванні:

ч. 2 арт. 339 Крымінальнага кодэкса — Хуліганства, здзейсненае групай асобаў
арт. 369 Крымінальнага кодэкса — Абраза прадстаўніка ўлады

Вынік суда: 3 гады

Від пакарання: абмежаванне волі з накіраваннем у папраўчую ўстанову адкрытага тыпу ("хімія")

Дата пачатку адбыцця пакарання: 18 чэрвеня 2021

Дата вызвалення: 6 снежня 2023

Суддзя: Рудэнка Аляксандр

Дзяніс Міхайлавіч Заянчэўскі - жыхар Мінска, абвінавачаны паводле ч. 2 арт. 339 КК (Злоснае хуліганства) і арт. 369 КК (Абраза прадстаўніка ўлады) за тое, што ўначы з 20 на 21 лістапада на адной з вуліц у раёне Інстытута культуры ў групе людзей зрабіў інсталяцыю ў выглядзе пудзілаў з фотаздымкамі Наталлі Качанавай, міністра ўнутраных спраў Івана Кубракова і амапаўца ў балаклаве на фоне бел-чырвона-белага сцяга. 

Паводле абвінавачвання, група людзей, у складзе якой былі Заянчэўскі, а таксама Максім Таццянок, з 20 на 21 лістапада 2020 года на завулку Полацкім у раёне Інстытута культуры ўстанавіла пудзіла з фотаздымкамі чыноўнікаў і супрацоўніка МУС і тым самым выказала грэбаванне да грамадства, а таксама наўмысна і з асаблівым цынізмам прынізіла гонар і годнасць службовых асоб. Такія дзеянні былі кваліфікаваныя следчымі як злоснае хуліганства. Дзяніс быў затрыманы 22 лістапада і да суда знаходзіўся пад вартай.

26 лютага 2021 года суддзя суда Кастрычніцкага раёна Мінска Аляксандр Рудэнка прысудзіў яму 3 гады абмежавання волі з накіраваннем у папраўчую ўстанову адкрытага тыпу. Адбываў пакаранне ў ПУАТ-24.

Выйшаў на волю 6 снежня 2023 г. 

Двух мінчукоў асудзілі на тры гады "хіміі" за інсталяцыю з фота Качанавай і Кубракова

У судзе Кастрычніцкага раёна Мінска была разгледжана крымінальная справа супраць Дзяніса Заянчэўскага і Максіма Таццянка. Мужчыны абвінавачваюцца паводле ч. 2 арт. 339 КК (Злоснае хуліганства) і арт. 369 КК (Абраза прадстаўніка ўлады) за тое, што ўначы з 20 на 21 лістапада на адной з вуліц у раёне Інстытута культуры зрабілі інсталяцыю ў выглядзе пудзілаў з фотаздымкамі Наталлі Качанавай, міністра ўнутраных спраў Івана Кубракова і амапаўца ў балаклаве на фоне бел-чырвона-белага сцяга. Абодва абвінавачаных да суду знаходзіліся пад вартай.

Палітвязні знаходзяцца па адрасах:

Падтрымаць «Вясну»