Дзяніс Сасункевіч

Дата нараджэння: 4 ліпеня 1992

Дата затрымання: 25 сакавіка 2022

Прад'яўленыя абвінавачванні:

арт. 361-4 Крымінальнага кодэкса — Садзейнічанне экстрэмісцкай дзейнасці

Вынік суда: 2 гады

Від пакарання: пазбаўленне волі ў калоніі ва ўмовах агульнага рэжыму

Дата вызвалення: 25 сакавіка 2024

Суддзя: Чарапанава Святлана

Дзяніс Мікалаевіч Сасункевіч фізік, з Мінска, быў асуджаны 4 ліпеня 2022 г. у Мінскім гарадскім судзе за садзейнічанне экстрэмісцкай дзейнасці паводле арт. 361-4 КК да двух гадоў калоніі. Падставай паслужыла тое, што Дзяніс 28 лютага 2022 сфатаграфаваў у цэнтры Мінска расійскую вайсковую тэхніку з апазнавальным знакам "V" і адправіў здымак у "экстрэмісцкі польскі" Telegram-канал.

Паводле інфармацыі праваабаронцаў, палітвязень адбывае пакаранне ў івацэвіцкай ПК № 22.

Выйшаў на волю напрыканцы сакавіка 2024 г.

"Спужаўся вайны". Палітвязень з жоўтай біркай распавёў сваю гісторыю на дзяржаўным тэлебачанні

На ТРК "Брэст" днямі выйшаў відэасюжэт пра беларусаў, якія ў першыя дні пачатку поўнамаштабнай вайны ва Украіне фатаграфавалі вайсковую тэхніку і публікавалі гэта ў інтэрнэце ці перадавалі ў "экстрэмісцкія" Telegram-каналы. Сярод такіх людзей — 30-гадовы палітзняволены фізік з Мінска Дзяніс Сасункевіч. У відэасюжэце з калоніі "Воўчыя норы" хлопец з прымацаванай "экстрэмісцкай" жоўтай біркай распавядае сваю гісторыю. "Вясна" публікуе гісторыю Дзяніса, пра якую раней не было вядома.

Палітвязні знаходзяцца па адрасах:

Падтрымаць «Вясну»