Дзяніс Коршун

Дата нараджэння: 15 верасня 1994

Дата затрымання: 17 траўня 2022

Прад'яўленыя абвінавачванні:

арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх

Вынік суда: 2 гады і 6 месяцаў

Від пакарання: абмежаванне волі без накіравання ў папраўчую ўстанову адкрытага тыпу ("хатняя хімія")

Суддзя: Шчоткіна Юлія

Заява аб прызнанні палітвязнем

Дзяніс Андрэевіч Коршун — супрацоўнік пякарні Brø bakery, быў затрыманы пасля прыходу сілавікоў на месцы працы. На наступны дзень з Дзянісам з'явілася "пакаяльнае відэа" на праўладных тэлеграм-каналах.

Дзяніса абвінавацілі паводле ч. 1 арт. 342 Крымінальнага кодэксу — Арганізацыя альбо актыўны ўдзел у групавых дзеяннях, якія груба парушаюць грамадскі парадак. Ён утрымліваўся пад вартай у СІЗА-1.

25 ліпеня 2022 г. у судзе Ленінскага раёна быў вынесены прысуд: суддзя Юлія Шчоткіна прызнала палітвязня вінаватым і асудзіла да 2 гадоў і 6 месяцаў "хатняй хіміі".

Супрацоўніка пякарні Brø bakery Дзяніса Коршуна асудзілі да "хатняй хіміі" за ўдзел у акцыях пратэсту

Знаходзячыся на тэрыторыі горада Мінска, хлопец у жніўні 2020 года выкарыстоўваў у якасці пратэснай сімволікі палатно бел-чырвона-белага колеру, плакат і бранзалет белага колеру, перакрываў рух грамадскага транспарту на праспекце Пераможцаў і праспекце Незалежнасці. Сваю віну падчас судовага працэсу Дзяніс прызнаў цалкам і апазнаў сябе на фотаздымках.

Палітвязні знаходзяцца па адрасах:

      Паказаць больш

      Апошнія навіны

      Больш навінаў
      Падтрымаць «Вясну»