Дзяніс Леанідавіч Граханаў быў затрыманы 10 верасня 2020 г. дома ў Мінску за нанясенне надпісу "Не забудзем" на тратуары каля ст. м. "Пушкінская".

Утрымліваўся пад вартай да 13 верасня і першапачаткова праходзіў па крымінальнай справе, узбуджанай па арт. 341 Крымінальнага кодэкса — "Апаганьванне будынкаў і псаванне маёмасці". Пасля знаходзіўся на волі пад падпіскай аб нявыездзе.

Аднак 22 кастрычніка 2020 г. Дзяніс быў зноў затрыманы і ўзяты пад варту ў ІЧУ, а абвінавачванне ў дачыненні да яго было перакваліфікаванае на ч. 2 арт. 339 КК — "Хуліганства, здзейсненае групай асобаў", і ч. 2 арт. 218 КК — "Наўмысныя знішчэнне альбо пашкоджанне маёмасці, здзейсненыя агульнанебяспечным спосабам альбо якія пацягнулі прычыненне шкоды ў буйным памеры". Знаходзіўся да суда ў СІЗА г. Жодзіна.

На судзе 8 снежня 2020 Дзянісу прысудзілі паўтара года абмежавання волі з накіраваннем ў папраўчую ўстанову адкрытага тыпу ("хіміі") і вызвалілі ў зале суда.

15 красавіка 2021 Дзяніс Граханаў пачаў адбываць пакаранне ў папраўчай установе адкрытага тыпу № 45 у вёсцы Сушкі Камянецкага раёна Брэсцкай вобласці. 15 лютага 2022 супрацоўнікі КДБ прыехалі ў ПУАТ № 45, забралі ва ўсіх тэлефоны, дапытвалі "палітычных", а самога Дзяніса затрымалі. Праваабаронцам стала вядома, што супраць Граханава распачалі новую крымінальную справу за абразу Лукашэнкі (арт. 368 КК). Палітвязня перавялі ў гомельскі СІЗА-3. 

У судзе Савецкага раёна Гомеля 5 ліпеня разглядзелі крымінальную справу палітвязня. Паводле хадайніцтва пракурора Булыбенкі суд амаль адразу зрабілі закрытым. Суддзя Вольга Церахава канчаткова прызначыла Граханаву па сукупнасці прысудаў з улікам раней неадбытага пакарання адзін год і сем месяцаў зняволення.

У Гомельскім абласным судзе Мікалай Маратаеў у закрытым рэжыме 26 жніўня 2022 г. разгледзеў апеляцыйную скаргу палітвязня.

У снежні стала вядома, што палітвязня перавялі з гомельскага СІЗА-3 у ПК № 3.

10 чэрвеня 2023 г. палітзняволены выйшаў на волю, цалкам адбыўшы тэрмін.

Палітвязня Дзяніса Граханава, якога ў лютым на "хіміі" затрымаў КДБ, асудзілі па новай крымінальнай справе

У судзе Савецкага раёна Гомеля 5 ліпеня разглядзелі крымінальную справу 44-гадовага палітвязня Дзяніса Граханава, асуджанага раней на паўтара года "хіміі" за надпіс "Не забудзем" каля "Пушкінскай" у Мінску.

Масавы пераслед палітзняволеных "хімікаў": што вядома цяпер

15 лютага у ПУАТ № 39 быў затрыманы палітзняволены актывіст з Магілёва Станіслаў Паўлінковіч, у ПУАТ № 45 затрыманы палітвязень Дзяніс Граханаў, у ПУАТ № 49 — Георгій Васіленка.

Другі суд за надпіс "Не забудзем" на Пушкінскай. Суму шкоды знізілі амаль у 40 разоў

Суд Фрунзенскага раёна Мінска 1 снежня пачаў разгляд крымінальнай справы за абнаўленне надпіса 9 верасня "Не забудем" каля метро "Пушкінская" каля народнага мемарыяла, прысвечанага забітаму пратэстоўцу Аляксандру Тарайкоўскаму. На лаве падсудных — палітычныя зняволеныя Дзяніс Граханаў і Ігар Самусенка, а таксама Уладзіслаў Гуліс. Іх дзеянні кваліфікаваныя па ч. 2 арт. 218 і ч. 2 арт. 339 Крымінальнага кодэкса. Справу разглядае суддзя суда Фрунзенскага раену Юлія Крэпская. 

Працягваецца суд за надпіс "Не забудзем!" на Пушкінскай. Пра што кажуць палітвязні?

Негледзячы на тое, што цяпер адсутнічае склад злачынства па арт. 218 КК, бо сума шкоды не перавышае 250 базавых велічыняў, абвінавачванні з палітвязняў не былі зняты. 

За другі надпіс "Не забудзем!" на Пушкінскай мінчукоў асудзілі да "хіміі" і калоніі строгага рэжыму

Суддзя Юлія Крэпская асудзіла па ч. 2 арт. 339 Крымінальнага кодэкса палітвязняў Дзяніса Граханава і Ігара Самусенку да 1,5 года абмежавання волі з накіраваннем ў папраўчую ўстанову адкрытага тыпу ("хіміі"), а Уладзіслава Гуліса — да 2 гадоў пазбаўлення волі ва ўмовах строгага рэжыму.

Палітвязень Дзяніс Граханаў: Гэта быў паказальны працэс, каб запалохаць іншых людзей

Два чалавекі асуджаныя на два гады калоніі кожны, двое былі пакараныя 1,5 гадамі абмежавання волі з накіраваннем у выпраўленчую ўстанову адкрытага тыпу, і адна – 1,5 гадамі "хатняй хіміі". 

 

 

Пяці фігурантам справы за надпіс "Не забудзем" пакінулі прысуды ў сіле. Яны паедуць на "хімію" і ў калонію

Мінскі гарадскі суд 5 сакавіка разглядзеў пяць апеляцыйных скаргаў на прысуды па ч. 2 арт. 339 Крымінальнага кодэкса (злоснае хуліганства) за нанясенне надпісаў "Не забудзем!" на Пушкінскай каля народнага мемарыяла, прысвечанага забітаму пратэстоўцу Аляксандру Тарайкоўскаму.