Дзяніс Аляксеевіч Чыкалёў нарадзіўся 17 ліпеня 1986 году ў Расіі. У 1987 годзе сям’я пераехала ў Гомель. Там скончыў сярэднюю школу №45. Вучыўся ў Гомельскім дзяржаўным вышэйшым каледжы народных мастацкіх промыслаў №126.

Быў затрыманы 10 жніўня 2020 года ў Мінску па падазрэнні ва ўдзеле ў масавых беспарадках (арт. 293 Крымінальнага кодэкса). Пазней Дзянісу Чыкалёву было прад’яўленае абвінавачванне.

Суд Фрунзенскага раёна Мінска 22 сакавіка 2021 года вынес прысуд па крымінальнай справы супраць 34-гадовага палітвязня з Гомеля  Дзяніса Чыкалёва за падзеі 9 жніўня ў Мінску: тры гады "хіміі". Такі прысуд вынесла суддзя Алена Бушава. Пасля сямі месяцаў пад вартай яго вызвалілі ў залі суда. Хлопца затрымалі 10 жніўня і распачалі супраць яго крымінальную справу па ч. 2 арт. 293 (удзел у масавых беспарадках), а потым справу перакваліфікавалі на больш мяккі артыкул – на ч. 1 арт. 342 Крымінальна кодэкса (удзел у дзеяннях, якія груба парушылі грамадскі парадак). На судзе палітвязень віну не прызнаў. Па матэрыялах справы, Чыкалёў парушыў 9 жніўня працу аднаго аўтобуса, за гэта "Мінсктранс" выставіў пазоў на суму 6 126 рублёў і 81 капейку, але яго перанакіравалі разглядаць у грамадзянскім парадку.

Дзяніс быў вызвалены ў зале суда да накіравання ў месца адбывання пакарання.

Цяпер ён знаходзіцца за межамі Беларусі.

Палітвязня Дзяніса Чыкалёва асудзілі да трох гадоў "хіміі" і вызвалілі ў залі суда

Суд Фрунзенскага раёна Мінска 22 сакавіка вынес прысуд па крымінальнай справы супраць 34-гадовага палітвязня з Гомеля Дзяніса Чыкалёва за падзеі 9 жніўня ў Мінску: тры гады "хіміі".