Дмітрый Сончык

вясельны фатограф

Дата нараджэння: 26 кастрычніка 1975

Дата затрымання: 28 чэрвеня 2021

Прад'яўленыя абвінавачванні:

арт. 364 Крымінальнага кодэкса — Гвалт альбо пагроза ўжывання гвалту ў дачыненні да супрацоўніка органаў унутраных спраў
арт. 369 Крымінальнага кодэкса — Абраза прадстаўніка ўлады

Вынік суда: 3 гады

Від пакарання: пазбаўленне волі ў калоніі агульнага рэжыму

Суддзя: Карсюк Дзмітрый

Пракурор: Цвяткоў Арцём

Сончык Дмітрый Міхайлавіч быў асуджаны да трох гадоў пазбаўлення волі ў калоніі агульнага рэжыму па сукупнасці пакаранняў шляхам паглынання менш строгага тэрміна больш строгім: два гады "хатняй хіміі" — паводле арт.369 КК і тры гады пазбаўлення волі ў калоніі — паводле арт.364 КК. Таксама Сончык мусіў выплаціць двум пацярпелым па тры тысячы рублёў маральнай шкоды, 174 рублі дзяржпошліны.

Паводле абвінавачання, Дзмітрый Сончык абразіў і выказаў пагрозу жыццю чатырох чалавек у каментарах у адным з тэлеграм-каналаў цягам 2020-2021 гадоў. Пацярпелыя — А.Пераходзька з Івацэвіцкага РАУС, начальнік Нясвіжскага РАУС А.Грынкевіч, старшы лейтэнант Нясвіжскага РАУС Р.Праневіч і супрацоўнік ГУБАЗіКа А.Алёкса.Потерпевш

Сончык поўнасцю прызнаў віну і адмовіўся ад дачы паказанняў на паседжанні. На судзе зачыталі ягоныя паказанні падчас папярэдняга следства. Тады ён тлумачыў, што пісаў каментары праз эмоцыі, пасля прагляду відэа збіцця і затрыманняў, абураны неправамернымі дзеяннямі супрацоўнікаў. Але падкрэсліў, што не збіраўся ажыццяўляць пагрозы.

У апошнім слове адзінае, што сказаў Сончык, — павіншаваў сястру і маці, якія знаходзіліся ў судовай залі, з надыходзячым Днём маці. Увесь час ён знаходзіўся за кратамі ў наручніках.

Вясельнага фатографа асудзілі да трох гадоў калоніі за некалькі каментароў

Сончык адмовіўся ад абароны.

 

 

Палітвязні знаходзяцца па адрасах: