Дар'я Афанасьева

Дата нараджэння: 1 красавіка 1995

Дата затрымання: 28 снежня 2021

Прад'яўленыя абвінавачванні:

арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх

Вынік суда: 2 гады і 6 месяцаў

Від пакарання: пазбаўленне волі ў калоніі ва ўмовах агульнага рэжыму

Суддзя: Ачалава Анастасія

Месца зняволення: ПК № 4

Дар'я Аляксандраўна Афанасьева — актывістка, фемблогерка, вядомая як "Дафна". У Instagram дзяўчына вяла асветніцкую працу, распавядала пра сэксізм і фемінізм. У яе было каля 10 тысячаў падпісчыкаў (цяпер яе акаўнт выдалены). Да затрымання Дар'я працавала мэнэджаркай па развіцці персаналу.

5 красавіка 2022 года Дар'я асуджаная на 2 гады і 6 месяцаў пазбаўлення волі ў калоніі агульнага рэжыму па арт. 342 Крымінальнага кодэксу (Групавыя дзеянні, што груба парушаюць грамадскі парадак).

На пачатку чэрвеня 2022 г. яе перавялі з СІЗА-1 у гомельскі СІЗА-3.

21 чэрвеня 2022 г. была разгледжаная апеляцыйная скарга Дар'і: прысуд пакінулі ў сіле. Палітзняволеную этапавалі ў папраўчую калонію № 4.

Дар'я пакутуе на астму, таму праз працу з ненатуральнымі тканінамі ў яе пачаліся праблемы з бронхамі. Паведамляецца, што ёй вельмі баліць спіна праз тое, што ложкі ў калоніі спружынавыя. 

Мусіць выйсці на волю 30 сакавіка 2024 г. 

У Мінску фемблогерку асудзілі да 2,5 гадоў калоніі за ўдзел у паслявыбарчых пратэстах

У судзе Ленінскага раёна Мінска 5 красавіка да 2,5 гадоў зняволення асудзілі фемблогерку Дар'ю Ціханаву (Афанасьеву). Суддзя Анастасія Ачалава прызнала яе вінаватай па ч. 1 арт. 342 Крымінальнага кодэкса (актыўны ўдзел у дзеяннях, якія груба парушаюць грамадскі парадак) за ўдзел у паслявыбарчых акцыях пратэсту ў жніўні 2020 года ў Мінску. Доказамі па справе сталі яе фотаздымкі на Маршах. Пракурор патрабаваў для яе тры гады зняволення. Актывістка ўтрымліваецца ў СІЗА-1.

Адрас для лістоў: ПК № 4. 246035, г. Гомель, вул. Антошкіна, 3

Палітвязні знаходзяцца па адрасах:

Падтрымаць «Вясну»