Данііл Калеснікаў

Дата нараджэння: 1 снежня 2003

Дата затрымання: 28 чэрвеня 2021

Прад'яўленыя абвінавачванні:

арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх

Вынік суда: 1 год і 3 месяцы

Від пакарання: пазбаўленне волі ў выхаваўчай калоніі (для непоўнагадовых)

Дата вызвалення: 2 жніўня 2022

Суддзя: Сергяевіч Мікалай

Пракурор: Панчык Марына

Данііл Вітальевіч Калеснікаў — жыхар Жлобіна, у 17-гадовым узросце асуджаны на адзін год і тры месяцы выхаваўчай калоніі.

Данііла абвінавацілі паводле артыкула 342 Крымінальнага кодэксу (Групавыя дзеянні, якія груба парушаюць грамадскі парадак).

Падставай для ўзбуджэння справы стала тое, што ў ноч з 9 на 10 жніўня 2020 года Данііл разам з бацькам Віталём Калеснікавым пайшлі ў цэнтр горада на плошчу. Яны стаялі там разам у счэпцы ў першым шэрагу, разам з іншымі асобамі выкрыквалі лозунгі. Следства лічыць, што яны перашкаджалі руху грамадскага транспарту. 

Бацьку Данііла Віталя Калеснікава асудзілі па арт. 339 КК (Хуліганства) і арт. 172 КК (Уцягванне непаўнагадовага ў здзяйсненне злачынства) за бойку з мінаком, якая адбылася ўвечар таго ж дня. А пазней — таксама па артыкуле 342 Крымінальнага кодэксу. 

28 чэрвеня 2021 пасля абвяшчэння прысуду Данііла ўзялі пад варту ў зале суда.

Хлопец адбываў пакаранне ў бабруйскай выхаваўчай калоніі № 2, цалкам адбыў тэрмін і 2 жніўня 2022 г. выйшаў на волю.

Жлобін: Спачатку засудзілі бацьку, сёння адправілі ў калонію непаўнагадовага сына

Суд Жлобінскага раёна 28 чэрвеня пачаў разгляд крымінальнай справы непаўнагадовага Данііла Калеснікава, якога абвінавачваюць у арганізацыі або актыўным ўдзеле у групавых дзеяннях, якія груба парушаюць грамадскі парадак (арт. 342 КК).

Палітвязні знаходзяцца па адрасах: