Арцём Паўлечка

Дата нараджэння: 14 студзеня 2000

Дата затрымання: 14 ліпеня 2020

Прад'яўленыя абвінавачванні:

арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
арт. 364 Крымінальнага кодэкса — Гвалт альбо пагроза ўжывання гвалту ў дачыненні да супрацоўніка органаў унутраных спраў

Вынік суда: 3 гады

Від пакарання: пазбаўленне волі ў калоніі ва ўмовах агульнага рэжыму

Дата вызвалення: 13 ліпеня 2023

Суддзя: Густыр Юлія

Арцём Аляксандравіч Паўлечка – 21-гадовы хлопец з Лельчыцаў.

15 студзеня 2021 года суд Цэнтральнага раёна Мінска асудзіў яго на тры гады калоніі па ч. 1 арт. 342 (актыўны ўдзел у дзеяннях, якія груба парушаюць грамадскі парадак) і арт. 364 (гвалт у дачыненні да супрацоўніка АМАПа) Крымінальнага кодэкса за падзеі 14 ліпеня ў Мінску. Арцёма Паўлечку абвінавацілі ў тым, што 14 ліпеня на плошчы Перамогі ён ударыў АМАПаўца нагой у грудзі і браў удзел у дзеяннях, якія груба парушаюць парадак.

21 год Арцёму споўнілася 14 студзеня, у гэты дзень ён прамаўляў апошняе слова ў судзе: "Высокі суд, прашу не пазбаўляць мяне свабоды і даць пакаранне мне мякчэй".

Па падліках праваабаронцаў, летам 2023 г. палітзняволены цалкам адбыў тэрмін і выйшаў на волю з ПК № 3.

Тры гады калоніі. Вынеслі чарговы прысуд за пратэстныя акцыі 14 ліпеня ў Мінску

Суд Цэнтральнага раёна асудзіў 15 студзеня 21-гадовага Арцёма Паўлечку паводле ч. 1 арт. 342 (актыўны ўдзел у дзеяннях, якія груба парушаюць грамадскі парадак) і арт. 364 (гвалт у дачыненні да супрацоўніка АМАПа) Крымінальнага кодэкса за падзеі 14 ліпеня ў Мінску. Гэта ўжо восьмая справа за ўдзел у акцыях пратэсту ў сталіцы супраць нерэгістрацыі ў якасці кандыдатаў у прэзідэнты Віктара Бабарыка і Валерыя Цапкалы, якое разглядаецца мінскімі судамі. Арцёма Паўлечку абвінавацілі ў тым, што 14 ліпеня на плошчы Перамогі ён ударыў АМАПаўца нагой у грудзі і браў удзел у дзеяннях, якія груба парушаюць парадак. Суддзя Юлія Густыр пакарала 21-гадовага хлопца трыма гадамі пазбаўлення волі. 21 год Арцёму споўнілася 14 студзеня. У гэты дзень ён прамаўляў апошняе слова ў судзе. "Вясна" з дапамогай валанцёраў маніторыла гэта судовае пасяджэнне – расказваем яго абставіны.

 

Палітвязні знаходзяцца па адрасах:

Падтрымаць «Вясну»