Арцём Юр'евіч Калашук спярша быў асуджаны судом Чавускага раёна 12 жніўня 2022 г. на 8 месяцаў зняволення ў калоніі па трох артыкулах Крымінальнага кодэксу: абраза прадстаўніка ўлады (арт. 369 КК), абраза Лукашэнкі (арт. 368 КК) і абраза суддзі (арт. 391 КК). На тым працэсе суддзёй была Алена Каралько.

Сваю віну мужчына прызнаў часткова.

Вядома, што Калашук да затрымання жыў з бабуляй, працаваў у Маскве. У яго таксама ёсць праблемы са здароўем: ён не чуе адным вухам.

11 кастрычніка 2022 г. у судзе Ленінскага раёна Магілёва Арцёма судзілі яшчэ раз, гэтым разам паводле арт. 369 КК (абраза прадстаўніка ўлады). Вядома, што ў віну палітвязню паставілі каментар пад допісам з выявай Вольгі Чамаданавай. Судова-лінгвістычная экспертыза прыйшла да высновы, што выкарыстанае ім слова "ідыёты" з'яўляецца абразлівым. Арцём сваёй віны не прызнаў. У выніку суддзя Наталля Панасенка прызначыла 2 гады і 8 месяцаў абмежавання волі з накіраваннем у ПУАТ. З улікам папярэдняга пакарання ў выглядзе васьмі месяцаў зняволення ў калоніі агульнага рэжыму, канчатковы прысуд — два гады калоніі агульнага рэжыму.

Утрымліваўся ў турме № 4, актуальны адрас пакуль невядомы.

Быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Палітвязня, які не чуе на адно вуха, паўторна асудзілі да калоніі

Судова-лінгвістычная экспертыза прыйшла да высновы, што выкарыстанае ім слова "ідыёты" з'яўляецца абразлівым. Арцём сваёй віны не прызнаў, сказаўшы, што выкарыстаў слова "для агульнай характарыстыкі".

"Абразіў" на тры крымінальныя артыкулы

12 жніўня 2022 года Чавускі раённы суд вынес прысуд магілёўцу Арцёму Калашуку. Пра гэта паведамляе MAYDAY.TEAM. Мужчыну абвінавацілі ў абразе прадстаўніка ўлады (арт. 369 КК), абразе Лукашэнкі (арт. 368 КК) і абразе суддзі (арт. 391 КК).