Арцём Ігаравіч Хвашчэўскі апошнія 9 гадоў жыў у Польшчы. Шмат гадоў гуляў у аматарскім футбольным клубе "Мінск Космас", затым, пасля пераезду, у Лізе Б-класа ў Польшчы. Ён вучыўся ў Польшчы ў AWF Вроцлаў, адначасова працуючы трэнерам у моладзевым футбольным клубе, а таксама займаўся запісамі і аналізам для польскай нацыянальнай зборнай і Экстракласа. Любіць падарожнічаць, добрую ежу, покер, сустрэчы з сябрамі і свайго ката.

Арцёму было прад'яўленае абвінавачванне па ч. 2 арт. 293 Крымінальнага кодэксу – "Удзел у масавых беспарадках", затым артыкул перакваліфікавалі на ч. 2 арт. 342 КК (Групавыя дзеянні, якія груба парушаюць грамадскі парадак).

15 студзеня 2021 года суд Фрунзенскага раёна Мінска вынес прысуд Арцёму Хвашчэўскаму: адзін год пазбаўлення волі ў калоніі агульнага рэжыму. З улікам пераліку тэрміна ён выйшаў з ПК №1 на свабоду 3 жніўня 2021 года. Цяпер Арцём вярнуўся ў Польшчу. 

Былы палітвязень Арцём Хвашчэўскі: "Выкарыстоўваў час максімальна магчыма ў тых умовах"

Былы палітвязень Арцём Хвашчэўскі правёў у няволі амаль год. Яго затрымалі 17 жніўня 2020 года, а 15 студзеня 2021 года асудзілі на год зняволення паводле арт. 342 Крымінальнага кодэкса. З улікам пераліку тэрміна ён выйшаў на свабоду 3 жніўня 2021 года. Цяпер Арцём вярнуўся ў Польшчу, дзе жыў апошнія дзевяць гадоў. Ён працягвае працаваць у сваёй кампаніі, якая займаецца аналізам футбольнай статыстыкі для матчаў польскай лігі.

«Мама, я вытрымаю. Ты, галоўнае, не плач». Размова з сям’ёю палітвязня Арцёма Хвашчэўскага

Арцём Хвашчэўскі з 2011 года жыве ў Польшчы – з’ехаў паводле праграмы Каліноўскага з сябрам Арцёмам Саўчуком. Сяброў разам затрымалі на Плошчы-2010, яны адседзелі на Акрэсціна, потым іх выключылі з універсітэтаў, і яны эмігравалі. Летась разам прыехалі ў Мінск на вяселле аднакласніка. 17 жніўня сяброў затрымалі праз падазрэнне ў арганізацыі масавых закалотаў.

Храналогія судоў:

Палітвязня Арцёма Хвашчэўскага асудзілі да года калоніі

15 студзеня суд Фрунзенскага раёна Мінска вынес прысуд палітвязню Арцёму Хвашчэўскаму: адзін год пазбаўлення волі ў калоніі агульнага рэжыму.

Мінск: абвінавачванне запрасіла год калоніі для палітвязня Арцёма Хвашчэўскага

Абарона папрасіла ўлічыць, што абвінавачаны прызнаў віну ў поўным аб'ёме і раскайваецца. А таксама — вылучыць грамадзянскі пазоў у асобную вытворчасць.

Выкрыкваў лозунгі, пляскаў у далоні: у Мінску пачаўся разгляд справы палітвязня Арцёма Хвашчэўскага

На паседжанні шостага студзеня палітвязень прызнаў віну і пагадзіўся з абвінавачаннем